Micah 7:11 - Hawaii Pidgin Bible

¹¹ “Den Da One In Charge tell: ‘Bumbye, goin come time fo make yoa town walls good one mo time, An make yoa land mo big.

Micah 7:11 ပူးပေါင်းရင်းမြစ်များ

Nehemiah 2:17

But laytas, I tell all da guys, “You guys, you see da trouble we get. Jerusalem town stay all bus up. Da town gates all burn up. Eh you guys! We gotta do someting! We goin build da Jerusalem town wall one mo time. Shame, dis! Wen we pau, no mo shame!”

Nehemiah 2:8

An I need one letta fo Asaf, da guy dat take kea da park wit plenny trees ova dea fo da King, fo him give me da wood fo make da beams ova da gates fo da towa, an fo da wall aroun da town, an fo da house wea I goin stay.’ ” Da King give me wat I aks him fo, cuz God put his good hand on top me an help me.

Nehemiah 4:3

Tobiah, da Ammon guy, he stan dea nex to Sanballat. He tell: “Dass right! Wat dey stay build, if one wild dog climb on top um, da whole stone wall goin fall down!”

Nehemiah 4:6

Us guys wen build da wall till da whole wall stay join togedda awready an no mo puka, an get ony half way mo fo build. Dat happen cuz da peopo go all out fo work.

Isaiah 54:11

Da One In Charge tell: “Eh my peopo! You guys get hard time now, Jalike one town dat get hard time, Jalike big storms stay poun da town. An nobody kea Fo give you guys good kine words. But you know wat I goin do, How I goin change all dat fo you guys?! Dis da picha! Jalike I goin build yoa bus up town Real nice dis time. Jalike I goin put blue lapis lazuli jewel stones On top da foundation, An put up da building stones Wit da kine mud dat cost plenny.

Isaiah 54:2

“Make mo big da place fo yoa tent. Stretch da tent covas mo wide. No hold back, my peopo! Make da rope mo long, An make da pegs mo strong.

Isaiah 58:12

Some a yoa peopo Goin build up one mo time da ol broke up town, An fix up da ol foundation, Dat yoa ancesta guys wen put firs time. Peopo goin call you guys ‘Da guys dat fix da broke up walls, Da guys dat fix da streets Fo peopo live dea.’

Isaiah 61:4

Dey goin build da ol broke down buildings one mo time An make um come jalike dey new. Dey goin build da broke down towns an make um new, No matta dey stay broke from dea ancesta guys time.

Daniel 9:25

“Know dis an tink plenny bout um: From da time da message come fo go build Jerusalem town one mo time, till one guy come dat God goin pick fo lead da peopo. Dat goin be seven times seven year, an den sixty-two times seven year. Dey goin build Jerusalem town wit open spaces inside an one real strong wall, no matta goin get big trouble dat time.