Micah 6:3 - Hawaii Pidgin Bible

³ Eh, my peopo, Wat I wen do agains you guys, aah?! Wat kine stuff I wen do Fo make you guys tell me az why hard?! Tell me da ansa!

Micah 6:3 ပူးပေါင်းရင်းမြစ်များ

Songs 50:7

“Eh! You guys dat know me! Lissen up! You Israel ohana peopo! I goin tell da trut bout you guys! Me, I God— Da God fo you guys.

Songs 51:4

Was ony you dat I wen do da bad ting to. Da way you see me, Was no right, da ting I wen do. Eh God, you stay perfeck, An you do da right ting Wen you tell you gotta punish me.

Songs 81:13

Bummahs! I like Fo my peopo lissen me, But dey no lissen! I like fo da Israel peopo do tings Da way I do um!

Songs 81:8

“Eh! You my peopo! Lissen, cuz I stay tell you, You betta watch out! I wen like you Israel peopo Lissen to me, but you neva!

Isaiah 5:4

Tell me wat odda ting I gotta do Fo my grape field, dat I neva do befo time? I wen wait long time fo da good grapes come out. How come ony get real sour kine grapes come out?

Jeremiah 2:31

You peopo dat live nowdays, Tink bout wat I tell! Dis me, Da One In Charge! You Israel guys tink I jalike da empty boonies fo you, O I jalike one land wea eryting stay real dark, o wat? How come my peopo tell, “We goin go wea eva we like go! No way we goin go back by you no moa!”?

Jeremiah 2:5

Lissen wat he tell, “How come yoa ancesta guys tell ‘Laytas!’ to me?! Wot?! Dey tink I wen do someting wrong, o wat?! Dey wen pray to da idol kine gods dat good fo notting. Az how come yoa ancesta guys come good fo notting too.

Micah 6:5

“My peopo, No foget wat Balak wen tell Da king fo da Moab peopo, Dat he wen like put kahuna On top you guys! No foget how Beor boy Balaam wen ansa him, Dat Da One In Charge ony goin do good stuff fo you guys! No foget how you guys wen go from Koa Town to Gilgal, Wen me Da One In Charge do awesome stuff Fo help you guys go da odda side a da Jordan Riva. Den you goin undastan dat me, Da One In Charge, Stay do wass right fo you guys erytime.”

Rome 3:19

We know eryting wat da Rules From God tell, fo da peopo dat get da Rules ova dem. Dass why no can make excuse wit God. An bumbye erybody all ova da world gotta go in front God da Judge fo show dey all get da blame.