Micah 6:13 - Hawaii Pidgin Bible

¹³ Dass why me Da One In Charge Stay start awready fo wipe out you guys, An wack you guys so hard I make you come sick. I mess you up cuz a all da bad kine stuff you guys do.

Micah 6:13 ပူးပေါင်းရင်းမြစ်များ

Isaiah 6:11

Den I aks him, “Boss, how long I gotta do dat?” An he tell, “Till all da towns stay all bus up An no mo peopo live dea, An all da house no mo peopo inside, An all da land stay dry an all wipe out.

Jeremiah 14:18

If I go out da country side, I see da guys dat da army guys wen kill wit swords. If I go aroun inside Jerusalem town, I see all da peopo dat stay sick Cuz no mo food. Da guys dat talk fo God an da pries guys Stay go all ova da land fo do dea work, But dey donno wat dey stay do!’ ”

Sad Song 1:13

“From da sky he sen fire Down inside my bones. He spread one net fo catch my feets, An make me turn an go back. He make me come all wipe out, Ready fo pass out all day.

Sad Song 3:11

He block my road an bus me up. He put me wea nobody goin help me.

Sad Song 5:16

Da lei fall off oua head, cuz we wen come all bum out! Bummahs fo us guys! Us wen do bad kine stuff!

Hosea 13:16

Da Samaria peopo gotta get punish, Cuz dey wen go fight me dea God. Dey goin get kill wit swords. Odda peopos goin throw da Samaria small kids down Fo dem mahke on top da groun, An dose odda peopos, dey goin rip open da hapai wahines.”

Hosea 5:9

Da Efraim land goin come all wasted Wen I punish dem. I goin tell da Israel ohanas Wat fo shua goin happen.

Prieses 26:16

If you guys make lidat, den fo shua I goin do dis to you guys: Right den an dea I goin make you guys come real sked. I goin give you guys da kine sick dat you no goin come good, an wit fever dat goin make you guys eyes come so you no can see, an make you guys weak, an den you goin mahke. You guys goin plant seed fo notting, cuz da peopo dat stay agains you guys goin eat da food dat grow dea.

Micah 1:9

Cuz nobody can make Samaria town Come good Cuz stay all bus up. Now da Judah peopo suffa too. Da army guys dat stay agains us guys stay by oua gate awready By Jerusalem, da big town.

Micah 6:16

But still yet you guys do Wat da rules from King Omri tell you fo do. An you copy eryting Omri boy King Ahab an his ohana stay do. You guys follow eryting dey tell you az good fo you do. Az why I goin let you guys come all bus up. So den, da odda peopos goin tell, “Bummahs!” Wen dey tink bout you guys. Da odda peopos goin laugh an make fun a you guys.’ ”

Micah 7:13

All dose countries goin come empty jalike da boonies, Cuz a all da bad kine stuff Da peopo dat live dea stay do.’ ”

Jesus Guys 12:23

But King Herod neva tell notting. So right den an dea, cuz Herod no talk good bout God an tell um “Mahalo plenny!” one angel guy from Da One In Charge wack him, an he get worms dat eat up his inside an he mahke.