Micah 6:12 - Hawaii Pidgin Bible

¹² All da rich guys from Jerusalem ony like bus up peopo. Da peopo dat live ova dea stay bulai erytime. Erytime dey talk, dey make scam.

Micah 6:12 ပူးပေါင်းရင်းမြစ်များ

Songs 120:2

Eh! Da One In Charge! Get me outa trouble! Peopo come afta me Fo bulai me an scam me.

Songs 35:20

Cuz dem guys no stay talk bout How fo make eryting Come good fo erybody. Dey ony talk bout how dey goin bulai Da peopo dat no make trouble Inside dea land.

Songs 78:36

Still yet, da Israel peopo wen bulai God, Da way dey talk to him. Dey open dea mout Fo tell wass not true.

Isaiah 1:23

Yoa leada guys, dey go agains me. Dey hang aroun wit steala guys. Dey all like get unda da table kine money Fo eryting dey do. Dey no make jalike one good judge Fo kokua da kids dat no mo faddah o muddah. Dey no even tink notting Bout kokua da widow wahines.

Isaiah 3:8

You know, da peopo inside Jerusalem, Jalike dey no can walk strait. Da peopo inside Judah, Jalike dey stay fall down too. Cuz wit wat dey tell, An wit wat dey do, Dey talk bad bout Da One In Charge An go agains him. Dey tink he no good, no matta he awesome.

Isaiah 5:7

“So, az da story bout dis peopo! Da One In Charge, Da God Ova All Da Armies, His grape field, dass da Israel peopo! An da plantation dat make Da One In Charge feel good inside Wit plenny love an aloha, Dass da peopo from da Judah districk. Da One In Charge wait fo peopo Fo judge da right way, But dey ony stay kill each odda! He wait fo peopo fo do da right ting erytime, But dey ony make each odda yell fo somebody help dem.”

Jeremiah 9:8

Wateva dey tell, az jalike one poison arrow Cuz dey bulai. Dey tell dea frenz, ‘I like eryting come good fo you,’ But inside, dey make plan fo jump um an kill um.

Hosea 7:1

Erytime I wen like make da Israel peopo come good, I neva do um! Az cuz a da bad kine stuff da Efraim peopo do, An da crooked kine stuff da Samaria peopo do, All dat kine stuff show up. Dey bulai. Da steala guys bus inside da houses! Gangs wit da bad kine guys rip off peopo on top da streets!

Hosea 7:13

“Bummahs fo dose guys Dat wen bag from me! Dey goin get wipe out, Cuz dey wen go fight agains me. I stay ready fo buy dem back, But dey bulai bout me.

Amos 2:4

You Judah peopo betta lissen too! Dis wat Da One In Charge tell: “Ova an ova, da Judah peopo wen go agains me. Az why no way I goin let um go an no punish dem! Cuz me, Da One In Charge, I wen give um da Rules, But dem, dey ack jalike da Rules no matta! Dey no like do wat I wen tell dem fo do. Jalike dea ancesta guys, Dey let da fake gods make um go da wrong way.

Amos 6:4

“Bummahs, you guys! You lay down on yoa punee all day, dat get fancy kine ivory all ova. You guys lay down all day an grind da luau food, From bebe sheeps an cows!

Zefaniah 1:9

Dat time, I goin punish Erybody dat jump ova da flat stone Unda da door a da temple Fo show respeck fo dea gods. Dose guys bulai peopo an bus um up, Fo dem fill up dea bosses house Wit stuff dey get From rip off peopo.”

Zefaniah 3:3

Dea leadas, dey jalike da lions dat make big noise. Da govmen guys, dey jalike da wild dogs dat hunt wen almos dark. Dey eat up eryting, So no mo notting dea, morning time.

Jesus Guys 24:9

An da Jew guys poin finga Paul too, an tell dat all da stuff Tertullus tell, stay true.

Rome 3:13

Dea mout real haunas jalike one open grave. Dey bulai wit dea mout. Da poison come from inside dea mout, Jalike one snake.