Micah 5:6 - Hawaii Pidgin Bible

⁶ Dey goin take ova da Assyria land wit dea swords. Dey goin take ova da town gates Inside da land dat Nimrod wen make his land. Wen da Assyria guys march inside oua land, Oua leada guy goin win!

Micah 5:6 ပူးပေါင်းရင်းမြစ်များ

2 Kings 15:29

Wen Pekah stay king Israel side, da Assyria king Tiglat-Pileser come back attack one mo time. He take ova five town: Ijon, Abel Bet-Maakah, Janoah, Kedesh, an Hazor. He take da Gilead an Galilee lands too, an all da Naftali land, an make da peopo dea give up dea land an go Assyria side.

1 Records 1:10

Cush da ancesta fo Nimrod too. Nimrod da firs one in da world fo come one real strong guy fo fight.

2 Records 33:11

Az why Da One In Charge bring agains da Israel peopo da army leadas fo da Assyria king. Dey catch Manasseh, an make him prisona. Dey put one hook thru his nose, chain him up wit bronze metal leg chains, an make um walk all da way Babylon side.

Job 29:22

Afta I wen talk, dey no like change notting I tell um. Da tings I tell, fall on dem jalike rain.

Songs 110:3

Wen you take yoa army guys Out fo fight, Dey all goin like go wit you. You goin wear fancy kine clotheses Dat show you spesho fo God. You goin feel jalike you stay young One mo time. You goin go out wen da dew come On top da grass From early morning time Wen da light come out.

Songs 72:6

I like fo da king make good tings Happen fo da peopo, Jalike da rain dat come down Right afta dey cut da grass, An jalike da passing showas Dat make da groun get plenny watta.

Isaiah 14:2

Da peopos from Babylon goin take da Israel peopo An bring um back inside dea place. Den da Israel ohana goin take ova dose odda peopos, An da odda peopos, guys an wahines, Goin stay work fo da Israel peopo inside Da One In Charge land. Befo time, da Babylon peopo make da Israel peopo come prisonas, But now, da ones wen put presha on da Israel peopo, Dey come dea prisonas.

Isaiah 14:25

Wen da Assyria guys come inside my land, I goin smash um An step all ova um On top my mountain. Dey goin try fo put da yoke on top dem, But no goin stay. Dey goin try fo make my peopo carry one heavy load on top dea back, But I goin take da load off from dea.”

Isaiah 33:1

Bummahs! you Assyria guys Dat stay wipe out da odda peopos! Nobody eva wipe you out. Bummahs! you dat set up yoa braddah! Nobody eva set you up. But wen you pau wipe out da odda peopos, Den somebody goin do da same ting to you. Wen you pau set dem up, Den somebody goin set you up.

Isaiah 37:36

Den one angel messenja guy from Da One In Charge go out fo fight. He kill 185,000 army guys inside da Assyria camp. Wen da odda peopo ova dea get up early da nex morning, get plenny mahke bodies all ova da place!

Isaiah 37:37

Az why Sennakerib, da Assyria king, get outa dea fas an go way. He go back Nineveh town an stay ova dea.

Isaiah 6:13

But even if still yet get ten percent a da peopo dat stay on top da land, Da army guys goin come back one mo time An burn eryting. But, jalike da terebint tree an da oak tree still ony get stump Wen somebody cut um down, Da peopo dat still stay dea, Goin come jalike one spesho seed fo God, Jalike da stump dat goin grow one mo time.”

Jeremiah 14:22

Da idol kine gods fo da diffren peopos, Dey good fo notting— Dey no can bring rain, aah?! Da sky not da one sen down rain showas! You da One, Da One In Charge, do all dat. You oua God, an us guys stay wait fo you help us, Cuz you da One stay do all dis stuff.

Nahum 2:11

Befo time, Nineveh stay jalike one cave Wea da strong lions live, Wea dey feed dea bebes, Wea da lion an da wahine lion go, An dea bebes no need stay sked a notting. But wea Nineveh stay now?

Zefaniah 2:13

An Da One In Charge goin use his powa agains da peopo north side too. He goin wipe out da Assyria peopo. Wen he pau, dea main town Nineveh goin stay wasted An all dry jalike da boonies.

Zefaniah 3:12

But I goin let da peopo stay inside Jerusalem Dat stay suffa, an no mo notting. But dey trus me Da One In Charge, Fo take kea dem.

Luke 1:71

He wen promise fo take us away From da guys dat stay agains us An from da powa dey get.

Luke 1:74

Dat he goin take us away from da guys dat stay agains us, An from da powa dey get, He goin help us work fo him an no stay sked,

Luke 24:27

An den Jesus teach dem eryting da Bible tell bout him from befo time. He start wit da stuff Moses wen write down inside da Rules, an den all da odda guys dat wen talk fo God, wat dey wen write down.

Rules Secon Time 32:2

I like wat I teach fall down jalike da rain. An wat I tell come jalike wen get plenny dew, Jalike small kine rain on top da new grass, Jalike plenny rain on top young plants.