Micah 5:15 - Hawaii Pidgin Bible

¹⁵ I goin stay real huhu. I goin punish all da peopos, Da ones dat no lissen wen I tell um wat fo do.”

Micah 5:15 ပူးပေါင်းရင်းမြစ်များ

Songs 149:7

Fo pay back da bad kine tings Da diffren nations wen do. Fo shua, dey goin punish Da diffren peopos.

Isaiah 1:24

Dass why dis wat Da One In Charge, da Boss, tell. He da God Ova All Da Armies, Da Strong One dat help da Israel peopo. Az wat he tell: “I goin fight an win Ova erybody dat go agains me, Fo dem no bodda me no moa! I goin pay back erybody dat stay agains me.

Isaiah 65:12

I tell you guys wass goin happen bumbye! All you guys goin go down on yoa knees, An da army guys dat kill da prisonas wit dea swords Goin kill you guys da same way! Cuz I wen yell to you guys, but you neva ansa. I wen talk, but you guys neva lissen. You guys wen do wass bad, Da way I see um. An you guys wen pick da kine stuff Dat I no like fo you do, an you still do um.”

Micah 5:8

All dose guys from da Jacob ohana dat still stay alive, Dey goin stay in da middo a plenny peopos, Dey goin be jalike one lion in da middo a da wild animals inside da fores. An jalike one young lion in da middo a plenny sheeps. He wase um, an no mo nobody dea fo get um outa trouble.

Micah 6:1

Lissen wat Da One In Charge tell: “Stan up in front da Judge! Tell how come you do Wat you wen do! Tell um in front da mountains! Let da hills hear wat you guys tell Bout wat you wen do!

2 Tessalonika 1:8

Goin get one big fire dat time. God goin punish da peopo dat donno him, an no like lissen da Good Stuff Bout Da One In Charge a us guys, dass Jesus.