Micah 5:14 - Hawaii Pidgin Bible

¹⁴ I goin pull up da poses you guys put up Fo da wahine god Asherah Dat stay in da middo a you guys. An I goin make all yoa big towns come wipe out.

Micah 5:14 ပူးပေါင်းရင်းမြစ်များ

2 Kings 17:10

Dey put up big kine stone fo dem pray to um. Dey put poses fo da wahine god Asherah on top ery high hill an unda ery big tree dat get plenny leaf.

Songs 149:7

Fo pay back da bad kine tings Da diffren nations wen do. Fo shua, dey goin punish Da diffren peopos.

Songs 149:9

God, da judge, wen write awready, Dat dose odda peopo gotta get punish. An da peopo dat stay tight wit God, Dey get da awesome job fo punish um. Eh you guys! Tell good tings Bout Da One In Charge!

Outa Egypt 34:13

Dis wat you gotta do: you gotta broke down dea altars, smash da big stones dey put up fo dea gods, an cut down da poses dey put up dea fo dea wahine god Asherah.

Isaiah 17:8

Dey no goin even tink Bout da altars dey wen build wit dea hands fo da odda gods An da small kine tings dey make wit dea fingas. Dey no even goin look at Dea spesho tiki pos fo da wahine god Asherah An da places fo burn incense fo da odda gods.

Isaiah 27:9

Dass wat God goin do fo pay da price, Fo hemo da shame fo da Jacob ohana. Dass wat goin happen Wen God throw out all da bad kine stuff dey wen do. Den, God goin make all da stones Inside da altars fo da odda gods Come jalike chalk wen somebody smash um. Da poses wea dey pray to da wahine god Asherah An da altars wea dey burn da incense fo da odda gods, Dey no goin stan dea no moa.

Jeremiah 12:17

But if get peopo dat no lissen, I goin throw dem out from dea place an wipe um out.” Az da message from Da One In Charge.

Sad Song 2:2

Jalike da Boss wen wase all da houses fo da Jacob peopo. He no mo pity fo dem. He bus up da strong wall aroun da Judah peopo, Cuz he stay real huhu agains da peopo. He make da king an da princes lose face. He bring um down to da groun, Cuz nobody get respeck fo dem now.

Nahum 1:14

Da One In Charge tell wat fo do bout you Nineveh peopo: “You guys no goin get kids fo carry yoa name! I goin wipe out da idol kine god statues Dat you guys cut from wood an stone, An da kine gods you guys melt from metal, Dat stay inside da temples fo yoa gods. I goin make yoa graves ready, Cuz you guys stay do stuff dass good fo notting!”