Micah 4:5 - Hawaii Pidgin Bible

⁵ No matta all da odda peopos know wat kine gods dey live wit, Us guys, we goin stay tight Wit oua God, dass Da One In Charge a us, Cuz we know wat kine god him, foeva an eva.

Micah 4:5 ပူးပေါင်းရင်းမြစ်များ

Start 17:1

Laytas, wen Abram 99 year ol awready, Da One In Charge let Abram see him. He tell um, “Me, I Da God Dat Get All Da Powa. So, live da way I tell you fo live, an no do notting dat goin make shame.

2 Kings 17:29

But same time, all da diffren peopos dat da Assyria guys bring Israel side, dey still make dea idol kine gods inside all da towns wea dey live. Dey put dea gods on top da sacrifice places dat da Samaria peopo wen make befo time on top all da hills.

2 Kings 17:34

Till today, dose odda peopos still do da same ting dey wen do befo time. Dey no show respeck fo Da One In Charge fo real kine. Dey no stay do wat God tell dey gotta do. Dey no do wat God Da Judge tell az right. Dey no stay stick wit da rules dat Da One In Charge wen give da Jacob ohana, an give um da name Israel.

Songs 20:6

Dis wat I know now: Da king dat Da One In Charge wen pick, Da One In Charge erytime help him. Da One In Charge, he stay inside da sky, Da place dat stay spesho fo him, An from dea, he lissen da king An use his awesome powa fo get da king outa trouble.

Songs 48:14

Tell um dis: “Dis God, He da God fo us guys, all da time. He goin show us da way fo go Till us mahke.”

Songs 71:16

I goin tell Bout da awesome tings Da One In Charge a me stay do. I no goin foget how you stay do Da right ting erytime, I goin talk ony bout you.

Isaiah 2:5

You peopo inside Jacob ohana, Come. Us go walk Wit light from Da One In Charge, an do wass right.

Isaiah 26:13

Da One In Charge, you da God fo us guys! Befo time, get odda bosses stay in charge a us, not you. So us guys goin make shua Dat you, da ony one us goin tink bout An use yoa name.

Isaiah 26:8

Da One In Charge, fo shua us guys like live Da way you show us fo us stay wait Fo find out how you goin judge peopo. Da ting us fo real kine like fo erybody know, Is wat kine god you, an no foget you.

Jeremiah 32:40

I goin make one deal wit dem dat goin las foeva: I still yet goin do good kine stuff fo dem, fo dem show respeck fo me, an dey no goin tell “Laytas” to me.

Zekariah 10:12

I goin make dem come strong army guys, Cuz me Da One In Charge, an I strong. Wen dey march, dey goin use my name.” Az wat Da One In Charge tell.

Jesus Guys 14:16

Befo time, he let all da diffren peopos inside da world do wateva dey like do.

Rules Secon Time 27:10

Do wat yoa God, Da One In Charge, tell you guys fo do, an stick wit his rules an da stuff I tell you guys today.”

Colosse 2:6

Jalike how you guys wen make Jesus Christ Da One In Charge a you guys, make shua you guys stay tight wit him erytime.

Colosse 3:17

Wateva you guys tell o stay do, do eryting fo Jesus, Da One In Charge, cuz you guys stay his guys, an Jesus goin help you guys tell God da Faddah, “Mahalo plenny.”

Joshua 24:15

But if you guys no like work fo Da One In Charge, den today pick wat gods you goin work fo! Goin be da gods yoa ancesta guys wen work fo da odda side a da Eufrates Riva, o da gods fo da Amor peopo wea you live now, o wat?! But me an my ohana, us guys goin work fo Da One In Charge!”