Micah 3:8 - Hawaii Pidgin Bible

⁸ Den me Micah tell, “Fo shua, wit da spirit from Da One In Charge, I stay real strong, He help me figga wass right an wass wrong, An make me come strong Fo tell da Jacob an Israel peopo All da bad kine stuff dey stay do.

Micah 3:8 ပူးပေါင်းရင်းမြစ်များ

Job 32:18

Cuz I get plenny stuff fo tell. Da spirit inside me, push me fo talk.

Isaiah 58:1

Da One In Charge tell: “Yell real loud! No hold back! Jalike one trumpet, make um loud! Tell my peopo, da one dat come from Jacob, How dey go agains me An do bad kine stuff!

Isaiah 61:1

Da Spirit from my Boss, Da One In Charge, He stay in charge a me, Cuz he wen put oil on top my head Fo show he pick me. He sen me fo tell good kine stuff To da peopo dat odda peopo tink not importan, An fo help da peopo dat feel all bum out Fo dem feel good inside one mo time, Fo tell da ones da army guys wen take to dea country, Dey can go home now, An fo tell all da prisona guys, Da prison stay open now fo dem go.

Isaiah 61:2

Fo tell, “Dis, da year Da One In Charge goin make good to his peopo, An dis da time oua God goin pay back da bad guys.” He sen me fo give good kine words To erybody dat stay sad inside.

Jeremiah 1:18

Today, I make you come strong, Jalike one big town wit one strong wall, Jalike one iron pos, An jalike one bronze wall. You goin stan face all da peopo Inside da whole land! You goin go agains da Judah kings an military guys, Da pries guys an da peopo dat live dea.

Jeremiah 20:9

But if I tell, “I no goin even tink bout Da One In Charge! I no goin talk fo him no moa!” Den, da tings he like me tell stay inside me, Jalike one fire stay burn inside me! Jalike my bones burning up inside. I stay tired from hold um inside. I no can hold um inside no moa.

Jeremiah 6:11

But you Da One In Charge, An you tell ‘Laytas’ to wat dey do, An I feel da same ting! Az why I gotta tell someting!” Da One In Charge tell me: “Tell erybody I stay huhu wit dem! Jalike you stay dumping watta all ova da place! Tell da kids in da street, An da young guys dat hang out togedda! Tell da husbans an wifes, Even da real ol peopo too!

Sad Song 2:14

Yoa guys dat suppose to talk fo God, Dey ony see plenny stuff dass stupid an worth notting! Dey no show up da bad kine stuff dat you guys stay do, Fo you guys change, An no come prisonas dat gotta go one far place. Da stuff dey tell you guys dat dey see fo you, Az wrong, an make you guys tink eryting goin come good!

Ezekiel 16:2

“Eh! Fo Real Kine Guy! Make shua da Jerusalem peopo know all da pilau kine stuff dey do.

Ezekiel 20:4

“Eh! Fo Real Kine Guy! Go judge dem fo wat dey wen do. Make shua dey know was pilau, da kine stuff dea ancesta guys wen do.

Ezekiel 22:2

“Eh! Fo Real Kine Guy! You stay ready fo be one judge fo da Jerusalem peopo, da town wea dey make plenny peopo bleed an mahke, o wat? If you stay ready, den poin finga dem, an tell um bout all da pilau kine stuff dey do.

Ezekiel 23:36

Da One In Charge tell me dis: “Eh, Real Kine Guy! Da Oholah an Oholibah wahine story, dey jalike one picha fo da ones you goin judge! Poin finga dem fo da pilau kine stuff dey do.

Ezekiel 3:14

Den God Spirit lif me up, an take me away, an I come mad an all sore inside. An same time, Da One In Charge help me an make me mo strong.

Ezekiel 43:10

“Eh! Fo Real Kine Guy! Teach da Israel peopo bout da temple you wen see ova dea. Let dem figga real good bout da temple plan an how long an how wide an how deep God. Dis goin make dem see dey not perfeck an make um come shame cuz a all da bad kine stuff dey do.

Matthew 7:29

cuz he teach wit plenny powa. He not jalike da teacha guys dat teach da Rules From God an no mo powa.

Mark 3:17

James an his braddah John, Zebedee boys. He call um “Da Thunder Guys,” cuz dey da kine guys dat like make big noise.

1 Corint 2:4

No matta I stay teach, o stay talk to plenny guys, same ting, aah? I neva like talk jus fo make peopo tink, “Eh, we can trus wat dis guy stay tell us, cuz he know how fo talk real good, aah?” No ways, brah! But wen I talk, I show you guys dat I get da Spirit in charge a me, an az why I get da powa fo talk.