Micah 3:5 - Hawaii Pidgin Bible

⁵ Dis wat Da One In Charge tell Da bulaia guys dat tell dey talk fo him: “You guys stay lead my peopo wrong way! Wen somebody give dem someting fo eat, Dey tell, ‘Eryting okay!’ But wit whoeva no give dem notting Dey start one war!

Micah 3:5 ပူးပေါင်းရင်းမြစ်များ

Smart Guys 28:21

No good, you no make same same fo erybody. But get guys dat goin broke da rules If you give um even one small piece bread.

Isaiah 3:12

Da ones dat give my peopo presha, Dey stay ack jalike dey young kids. My peopo get wahines in charge a dem. Lissen, my peopo, Da ones dat tell you guys wea fo go, Dey stay take you guys da wrong way. Dey stay jam up you guys plenny, So you donno wea da right way fo go.

Jeremiah 23:27

Dey figga dat da dreams dey tell goin make my peopo foget who me, jalike dea ancesta guys wen foget who me wen dey pray to da god Baal.

Jeremiah 23:32

Fo shua, I stay agains da guys dat tell bulai kine dreams. Dey tell wat dey wen dream, an dey make my peopo go da wrong way wen dey go all out fo bulai um. But I neva tell dose guys fo talk fo me. I neva tell um fo do notting. Dey no do notting good fo dese peopo.” Az wat Da One In Charge tell.

Jeremiah 6:14

Jalike my peopo all bus up an bleeding, But dem guys ony put small kine bandage, Cuz dey tink dey ony small kine hurt. Dey tell, ‘No worry, eryting stay okay!’ But no stay okay.

Jeremiah 6:4

“Dey goin tell: ‘Make da sacrifices Fo get ready fo fight Jerusalem! Stan up! Us go attack dem noon time!’ But den dey goin tell: ‘Bummahs! Stay too late awready! Da sun stay low, stay evening time awready!

Sad Song 2:14

Yoa guys dat suppose to talk fo God, Dey ony see plenny stuff dass stupid an worth notting! Dey no show up da bad kine stuff dat you guys stay do, Fo you guys change, An no come prisonas dat gotta go one far place. Da stuff dey tell you guys dat dey see fo you, Az wrong, an make you guys tink eryting goin come good!

Ezekiel 13:9

I goin make fis agains da guys dat tell dat dey talk fo God, but dey ony see fake kine dreams, an tell bulaia kine stuff bout wat goin happen. Wen my peopo come togedda, dey no can come! Dea names no goin stay inside da records fo da Israel peopo. Dey no goin come back to da Israel land. Den you guys goin know dat I Da One In Charge, da Boss.

Hosea 4:5

You guys trip an fall down day time. An nite time, da guys dat talk fo God trip an fall down jalike you guys. Az why I goin wipe out da Israel nation Dass jalike yoa muddah!

Joel 3:9

Tell all da peopos dis: “Make ready fo fight one war fo Da One In Charge! Make da strong guys ready fo fight! I like all da guys dat fight fo come togedda fo attack.

Micah 2:11

If one guy come bulai you guys an tell, ‘I goin tell you guys wat God tell me— You guys goin get plenny wine an beer.’ Dat bulaia kine guy goin be da kine talka guy dat you guys like!”

Micah 3:11

Dea main guys take unda da table kine money Fo judge dat da guy dat pay um, he da one stay right. Dea pries guys teach da Rules from God, But ony if da peopo pay um too. Da guys dat tell dey talk fo God, Make da peopo pay fo tell dem wat goin happen. But same time dey talk bout how dey trus Da One In Charge, an tell: ‘Da One In Charge stay hea wit us guys. So no mo notting bad goin happen to us guys!’

Malakai 2:8

“But you guys wen go da wrong way! Da way you guys teach, you make plenny peopo go da wrong way too! You wen jam up da deal I get wit da Levi ohana!

Matthew 15:14

Laytas wit dem awready! Dey jalike one blind guy stay go aroun, an show anodda blind guy wea fo go. Bumbye da two blind guys goin fall down inside one puka.”

Matthew 7:15

“Watch out fo da guys dat tell dey talk fo God an teach stuff dass not true. Dey ony bulaias. Dey come by you guys an ack all good kine, but fo real kine, inside dey like eat you up, jalike dey wild dogs dat try fo look jalike dey sheeps.

Rome 16:18

Dey no work fo Jesus Christ, Da One In Charge a us guys. Dey ony work fo get tings dat dey like ony fo dem. Dey talk nice kine to da peopo dat donno wat stay good an wat stay bad still yet. Dey tell dose peopo da kine stuff dey like hear fo bulai um.