Micah 1:9 - Hawaii Pidgin Bible

⁹ Cuz nobody can make Samaria town Come good Cuz stay all bus up. Now da Judah peopo suffa too. Da army guys dat stay agains us guys stay by oua gate awready By Jerusalem, da big town.

Micah 1:9 ပူးပေါင်းရင်းမြစ်များ

Isaiah 3:26

Inside da gates a Jerusalem town, Da wahines goin sit down on top da groun, An cry an stay sad inside cuz no mo dea guys.”

Isaiah 36:1

King Hezekiah stay king fo fourteen year, an den Sennakerib, da Assyria king, an his army guys attack all da odda big towns inside Judah dat get strong wall aroun um. Dey make da peopo dea prisonas, but dey no attack Jerusalem yet.

Isaiah 36:2

Den da Assyria king Sennakerib sen da territorial govna guy fo dat side, an plenny army guys from Lakish fo go by King Hezekiah inside Jerusalem. Da territorial govna guy stop by da ditch wea da watta from da Mauka Watta Place go, on top da main road dat go da field wea da peopo put da cloth inside da watta an step um fo make um come clean.

Jeremiah 15:18

How come I still stay suffa? An how come my plenny sores no heal, an no like come good? You goin come Jalike one small stream Dat stay all dry up, o wat?! You goin come jalike one puka Dat no can trus fo get watta inside, o wat?!”

Jeremiah 46:11

“You Egypt peopo, You weak, jalike one young girl, Go up Gilead side An try get medicine from dea. But wase time you try fo get all kine medicine! Cuz no way you goin come good!

Micah 1:12

Da peopo inside Marot, da Bad Taste Town, dey wait fo somebody help dem. Dey suffa, cuz bad kine stuff happen to dem from Da One In Charge. Da army guys dat stay agains us guys stay come all da way By da Jerusalem town gate awready.

Micah 6:13

Dass why me Da One In Charge Stay start awready fo wipe out you guys, An wack you guys so hard I make you come sick. I mess you up cuz a all da bad kine stuff you guys do.

Nahum 3:19

No mo notting can make yoa sword cut come good. You stay hurt, an you goin mahke. Erybody stay suffa Cuz you wen ack real mean erytime! Az why erybody dat hear bout you Clap dea hands fo show dey feel good Cuz you wen come wipe out!