Micah 1:6 - Hawaii Pidgin Bible

⁶ Da One In Charge tell: “Az why I goin bus up Samaria, An make um come one big pile rocks in da countryside, Goin come one flat place fo plant grapes. Da stones dey use fo build, I goin roll um all down da valley. An I goin leave ony litto bit dirt wea dey wen build house.

Micah 1:6 ပူးပေါင်းရင်းမြစ်များ

2 Samuel 17:13

If he take all his guys togedda inside one town dat get strong wall, den all da Israel guys goin bring ropes to da town wall, an we goin drag down da town wall all da way to da stream. An layta, no mo nobody goin find even one small stone from dat town.”

2 Kings 18:10

Afta three year, da Assyria army guys take ova Samaria. Az was wen Hezekiah stay da Judah king fo six year, an Hoshea stay da Israel king fo nine year.

2 Kings 18:9

Wen Hezekiah stay king four year, an Hoshea, Elah boy, stay da Israel king fo seven year, Shalmaneser, da Assyria king, bring his army guys up fo attack Samaria town. He put his army guys all aroun da town fo nobody go inside o come outside.

2 Kings 19:25

“ ‘You neva hear dis long time befo, o wat?! Me, Da One In Charge wen make da plan bout all dis. From befo time, I wen set up eryting. Now, I stay make um all happen jalike I tell. Dass how come you can make big towns dat get strong wall Fall down an come piles a rocks wea nobody live.

Isaiah 17:1

Me, Isaiah, I get heavy kine stuff fo tell bout wat I see goin happen to da Damascus peopo: Look! Damascus no goin be one big town no moa. Da whole place goin come one pile a bus up junks.

Isaiah 25:12

God goin broke down da strong wall Fo da place wea da Moab peopo like go hide. He goin make da wall fall down to da groun, On top da dirt.”

Isaiah 25:2

I goin tell dat you da greates, Cuz get big towns dat you bus up An make um come one pile a rubbish. Get strong towns wea da army guys no can come inside, You make um all fall down. Da place inside odda countries Wea da peopo build palace, No even get one mo town dea now. No way dey goin build um up one mo time.

Jeremiah 31:5

You guys goin plant grape fields one mo time On top da hills aroun Samaria town. Afta da year wen dey give da new grapes to me, Da One In Charge, Den da farma guys dat plant um Can eat da grapes.

Jeremiah 51:25

Da One In Charge tell: “I da One stay agains you Babylon guys, You jalike one volcano dat wipe out da whole earth. I goin use my powa agains you, An roll you off da cliffs. I goin make you jalike one mountain dat stay all burn up.

Jeremiah 51:37

Babylon goin come one big pile a rocks from da ol buildings, One place wea da jackal kine wild dogs can hide. I goin bus up dis big town so no get notting dea, An peopo goin come shock wen dey see Babylon. An no mo nobody goin live ova dea.

Jeremiah 9:11

Da One In Charge tell, “I goin make Jerusalem town come one rubbish pile. Ony goin get wild jackal dogs ova dea. I goin wipe out da Judah towns Fo no mo nobody live ova dea.”

Sad Song 4:1

Bummahs! Oua bestes peopo stay jalike gold dat no shine no moa, Jalike pure gold dat no worth notting! Da jewelry stones from da Temple Stay scatta all ova da streets.

Ezekiel 13:14

I goin broke down da wall dat you guys put da white paint on top um. I goin make um fall down flat fo see ony da foundation. Wen da wall fall down, you guys goin come wipe out too. Den you goin know dat me Da One In Charge.

Hosea 13:16

Da Samaria peopo gotta get punish, Cuz dey wen go fight me dea God. Dey goin get kill wit swords. Odda peopos goin throw da Samaria small kids down Fo dem mahke on top da groun, An dose odda peopos, dey goin rip open da hapai wahines.”

Amos 5:11

Cuz da peopo dat no mo notting, You guys make um pay tax An take away some a da food dat dey harves an clean, Cuz a dat, no matta you guys build house Wit fancy kine cut stone block— You guys no goin live inside. No matta you guys plant one good looking kine grape farm— You guys no goin drink da wine from dose grapes.

Amos 6:8

“Da Boss, Da One In Charge a me, he wen make one strong promise, An he no need anodda guy fo help him do um, jus him. Dis wat Da One In Charge tell: ‘Watch out! Me, I so mad wit dem Israel guys! Dey tink dea Israel ohana mo betta den anybody! Dey get strong wall, but I goin go agains um! Dea main town, an eryting inside dea, I goin give all a dat To da guys dat stay agains um.’ ” Dass wat Da One In Charge tell. An you know wat?! He da God Ova All Da Armies.

Micah 3:12

Fo shua, cuz a you guys, Da peopo dat stay agains us goin plow Mount Zion jalike az one field. Jerusalem town goin come all bus up. Da hill wea da Temple Fo God stay, Goin get ony bushes all ova.”

Habakkuk 3:13

Dat time you wen come fo get yoa peopo outa trouble. You wen help da Israel nation dat you wen pick. You wen wack da leada fo da peopo dat do real bad kine stuff. Can see eryting From his head to his feets. (Time out fo da music.)

Matthew 24:2

Jesus tell, “Eh, az right! An I like tell you guys dis too: You know all dis stuff? Bumbye no goin get one stone on top anodda stone ova hea. Eryting goin fall down.”