Micah 1:4 - Hawaii Pidgin Bible

⁴ Jalike da mountain melt unda him, Jalike da wax melt in front da fire. An jalike da valley bus open, Wen da watta come down da mountain real fas.

Micah 1:4 ပူးပေါင်းရင်းမြစ်များ

Songs 46:6

Wen God tell someting, Soun jalike thunda. Da diffren peopos, Dey make plenny noise, cuz dey sked! Dea govmen guys, Dey no can stan up strait! Jalike da groun stay melt unda dem!

Songs 68:2

I like fo God make da peopo Dat do bad tings run away, Jalike da wind make da smoke go way, Jalike da wax melt in front one fire! I like fo da peopo dat do bad tings Come all wipe out Wen dey stan in front God!

Songs 97:5

Wen Da One In Charge show up, Da mountains melt in front him Jalike wax. Cuz he da boss fo da whole world.

Amos 9:5

“Da One In Charge a me, Da God Dat Stay In Charge Ova All Da Armies, Wen he touch da world, jalike da world melt, An erybody dat stay live inside da world come real sad. Da land move up an move back down Jalike da Nile Riva Egypt side.

Nahum 1:5

Da mountains shake cuz a him, Jalike da hills melt. Da groun shake in front him. Erybody dat live on top da earth, dey shake too.

Habakkuk 3:10

Wen da mountains see you do dat, dey shake. Da rain storm make big watta go thru da gulches. Da deep ocean make big noise, An make da waves go real high.

Habakkuk 3:6

Wen he stop, da earth shake. Wen he look da peopos, dey come sked an shaking. Da mountains dat stay from befo time come broke up. Da ol hills fall down. He do wat he do foeva.

Zekariah 14:4

Wen dat happen Da One In Charge goin stan wit his feets on top da Olive Ridge, dat stay across Jerusalem da east side. An da Olive Ridge goin split, an make one wide valley dat go from da east side a da ridge to da west side. Cuz half da ridge goin move da north side, an half goin move da south side.

Jesus Show 20:11

Den, jalike one dream, I spock one big white throne, an da One dat sit on top um. Da earth an da sky disappea from him, an nobody eva see dem no moa.

Local Leadas 5:4

“Da One In Charge, wen you go out from da Seir Range, Wen you march outa da Edom land, Da earth shake, da sky pour down watta. Da clouds make rain.