Micah 1:2 - Hawaii Pidgin Bible

² All you peopos, lissen dis! Erybody on top da earth, lissen good: Da One In Charge a me stay inside Da Temple dat stay spesho fo him, He poin finga you guys.

Micah 1:2 ပူးပေါင်းရင်းမြစ်များ

1 Kings 22:28

But Mikaiah tell da king, “Fo shua, if bumbye you come back an you okay, dat mean, Da One In Charge neva give me notting fo tell!” An Mikaiah tell da peopo, “Eh, all you peopo! No foget wat you wen hear!”

2 Records 18:27

Mikaiah tell, “If you eva come back okay, den Da One In Charge no use me fo talk fo him.” Den he tell, “Eh all you peopo! Lissen, wat I wen tell!”

Songs 11:4

But Da One In Charge, he stay inside da Temple dat stay spesho fo him. From da sky, Da One In Charge stay in charge a eryting. He watch wat erybody do. He check out all da peopo on top da earth.

Songs 24:1

Da One In Charge, he own Da whole world an eryting dea. He own da land An all da peopo dat live dea.

Songs 28:2

Try lissen! Ova an ova, I aks you fo do someting I stay yell to you fo help me. I stay stan nea da mos spesho part a yoa Temple An I put up my hands fo pray to you.

Songs 50:1

Da God Wit All Da Powa, Da One In Charge, he tell dis. He tell da peopo From all ova da world Fo come by him, From da place wea da sun come up, To da place wea da sun go down.

Songs 50:12

“Even if I was hungry, no way I tell you, Cuz da world an eryting dat get Inside da world, az mines awready.

Songs 50:7

“Eh! You guys dat know me! Lissen up! You Israel ohana peopo! I goin tell da trut bout you guys! Me, I God— Da God fo you guys.

Smart Guys 8:4

“Eh you guys ova dea! I stay talk to you! Da tings I tell, fo erybody jalike you!

Isaiah 1:2

Lissen, erybody in da world an inside da sky, Cuz me, Da One In Charge, da Good Boss, stay tell you dis: “I wen take kea da Israel peopo Jalike dey my kids, an help um grow up. But still yet, dey go agains me.

Isaiah 18:3

God tell dis: “All you peopo dat stay live inside da world, Wen I put up my war flag on top da mountains, You goin see um. An wen da trumpet make noise, You goin hear um.”

Isaiah 50:7

Da One In Charge a me, He da One help me. Dass how come I no come shame Cuz a wat dey do. Dass why I stick wit wat I goin do, An I no goin change my mind. I stay shua dat I no goin come shame.

Jeremiah 22:29

Lissen up! Even da Judah land Gotta lissen up good, wat Da One In Charge tell!”

Jeremiah 29:23

Az cuz dey wen ack stupid an broke da rules from God inside Israel. Dey fool aroun wit odda guys wifes. Dey use my name an tell dey talk fo me, but dey bulai—no was me tell dem fo say wateva dey tell. I know wat dey wen do an I can tell wat I wen see.” Az wat Da One In Charge tell.

Jeremiah 42:5

Dey tell Jeremiah, “Us guys like Da One In Charge hear wat we stay tell you now. Us like make shua we stay up an up wit yoa God, Da One In Charge. An he goin know if we no do eryting dat he tell you fo us do. Cuz fo real, dass wat we goin do.

Jeremiah 6:19

Lissen, all you peopo on top da earth! Dis wat I stay do: I stay make bad kine stuff happen to dis peopo. Da same ting dey make plan fo do, goin happen to dem, Cuz dey no bodda fo lissen wat I tell dem. Dey hate my rules.

Jonah 2:7

“Wen I feel jalike I goin stay alive ony litto bit moa, I tink plenny bout you cuz you Da One In Charge. I wen pray hard fo you help me Ova dea wea you stay Inside da Temple dass spesho fo you.

Jonah 2:8

Whoeva go down in front Da good fo notting idol kine gods, Dey no like stay tight wit you. An dey tell ‘Laytas!’ fo you stay tight wit dem.

Habakkuk 2:20

But Da One In Charge, he stay inside da Temple dat stay spesho fo him. Shhh! Eryting on top da earth gotta stay quiet in front him.”

Malakai 2:14

But you guys, you tell, “How come Da One In Charge still tink I pilau?” I tell you how come! Cuz Da One In Charge know eryting bout you an yoa wife, da one you wen marry wen you was young. He know dat you bulai her, no matta she yoa bestes fren, an you wen make one strong promise fo stay tight wit her. Az why he tink you pilau.

Malakai 3:5

Da One In Charge Ova All Da Armies tell dis too: “I goin go by you guys in front da judge right den an dea, I goin tell da judge wat I know bout you guys, Bout da ones dat make kahuna kine ceremony, An da ones dat fool aroun behind dea wife o husban back, An da ones dat make one strong promise but dey bulai, An da ones dat make trouble fo dea worka guys cuz dey no like pay um, An make trouble fo da widows an da kids dat no mo faddah o muddah, An da ones dat give one hard time to da peopo from anodda place. All dose peopo, dey no sked me!”

Rules Secon Time 32:1

Lissen, peopo on top da earth an in da sky, Lissen wat I goin tell.

Jesus Show 2:11

“If you guys can hear dis, you guys betta lissen, an go do wat God Spirit stay tell da church peopo fo do!” Erybody dat fight an win ova da bad kine stuff, No way dey goin get hurt Wen da odda peopo mahke da secon time An get cut off from God foeva.

Jesus Show 2:17

“If you guys can hear dis, you betta lissen, an go do wat God Spirit stay tell da church peopo fo do!” Erybody dat fight an win ova da bad kine stuff, I goin give um some a da manna kine bread fo eat Dat God wen hide fo dem befo time. An I goin give um one white stone Wit one new name Dat God wen write on top um. Da guy dat get dat name, He da ony one goin know um.

Jesus Show 2:29

If you can hear dis, you betta lissen an go do wat God Spirit stay tell da church peopo fo do!

Jesus Show 2:7

“If you guys can hear dis, you betta lissen, an go do wat God Spirit stay tell da church peopo fo do!” Erybody dat fight an win ova da bad kine stuff, I goin give um da right fo eat from da tree Dat make peopo come alive fo real, Dat stay inside God Beautiful Place.

Jesus Show 3:13

If you guys can hear dis, you betta lissen an go do wat God Spirit stay tell da church peopo fo do!

Jesus Show 3:22

If you can hear dis, you betta lissen an go do wat God Spirit stay tell da church peopo fo do!

Jesus Show 3:6

If you guys can hear dis, you betta lissen an go do wat God Spirit stay tell da church peopo fo do!

Local Leadas 11:10

Da older leadas from Gilead tell Jeftah, “Da One In Charge da one dat hear wat us guys tell you. Fo shua we goin do wat you wen tell!”