Matthew 9:33 - Hawaii Pidgin Bible

³³ Jesus make da bad kine spirit no bodda da guy no moa, an den da guy can talk. All da peopo, dat blow dea mind. Dey tell, “Us Israel peopo neva see dis kine stuff happen befo!”

Matthew 9:33 ပူးပေါင်းရင်းမြစ်များ

2 Kings 5:8

Elisha, da guy dat stay tight wit God, hear da Israel king wen come bum out an rip his clotheses. So Elisha sen one messenja guy by da king fo tell: “How come you rip yoa clotheses, aah?! Mo betta da guy come by me, fo him find out dat get one guy inside da Israel land, dat talk fo God fo real kine, az me!”

Songs 76:1

Inside da Judah land, God let peopo know him. Inside da Israel land, Dey know who him, Dat he da greates.

Isaiah 35:6

Da peopo dat no can walk, Dey goin jump jalike da deer. Da peopo dat no can talk, Dey goin start fo talk real loud Cuz dey feel good inside. Da watta goin start fo come Outa da pukas all ova da boonies, An streams goin come All ova da up country boonies.

Jeremiah 32:20

You wen do awesome stuff fo show da peopo inside da Egypt land yoa powa, an you wen do stuffs ony you can do, an peopo know bout all dat, still yet today. Az how you make plenny peopo know wat kine god you—da Israel peopo an all da odda peopo all ova da world.

Matthew 8:10

Jesus hear dat, an he tell da odda guys dat follow him, “Ho! Dis guy get um! An I like tell you guys dis: no mo no Israel peopo dat trus me lidat!

Matthew 9:32

Da guys dat was blind befo go way from dea. An you know wat? Odda guys bring one guy by Jesus. Had one bad kine spirit dat take ova him, dass why da guy no can talk.

Mark 2:12

Az why da guy stan up, pick up da mat an go outside in front all dem. Dat blow dea mind big time. Dey tell, “Dis unreal! Dis neva happen befo time. Dis God, he awesome!”

Luke 11:14

Had one guy dat get one bad kine spirit, dat make da guy so he no can talk. Jesus make da bad spirit let go da guy. Wen da bad spirit let um go, da guy dat no can talk, start fo talk. An all da peopo, dat blow dea mind.

Luke 7:9

Wen Jesus hear dat, his jaw drop, an he tell all da peopo dat stay dea, “Ho! Dis guy get um! No mo no Israel peopo dat trus me lidat!”