Matthew 6:22 - Hawaii Pidgin Bible

²² “You know, da eye jalike one lamp fo inside da body. If da eye okay, dat mean, da guy stay all light inside. He get one good heart fo help peopo.

Matthew 6:22 ပူးပေါင်းရင်းမြစ်များ

Isaiah 5:20

“Bummahs! fo da guys dat tell Dat da bad kine stuff stay good, An da good kine stuff stay bad! Dey tell, da dark stay light, An da light stay dark! Dey tell, da kine stuff dat taste bad, stay sweet, An da sweet kine stuff taste bad!

Matthew 5:15

Same ting, you no light one lamp an den cova um up. You put um up on top one high place, aah? Den erybody inside da house can see.

Jesus Guys 2:46

Ery day dey come togedda inside da open lanai fo da temple. Dey all come togedda inside dea houses an bring dea food fo share wit each odda. An dey all stay good inside, an dey happy fo come togedda.

2 Corint 11:3

Now you guys stay clean inside an stay tight wit Christ. But I stay sked dat you guys goin bag from stay clean inside an tight wit Christ. Cuz yoa tinking come hamajang. Dass jalike da time da snake wen bulai Eve cuz he one sly buggah!

Efesus 6:5

Same same fo you slave worka guys: Lissen real good yoa boss guys on dis earth. Show respeck fo dem an come sked if you no do da right ting. Do um wit one good heart, jalike you do um fo Christ.

Colosse 3:22

Eh, you slave guys, lissen yoa boss erytime down hea inside dis world. No ack jalike you stay working in front dem, ony fo look good, an cuz you like make da peopo tink you do good kine work. You gotta go fo broke fo work hard cuz you get plenny respeck fo Da One In Charge.