Matthew 3:15 - Hawaii Pidgin Bible

¹⁵ But Jesus tell, “Dass okay fo you baptize me, fo show we like do eryting da right way.” So John tell, “Shoots, we go den.” An he baptize Jesus.

Matthew 3:15 ပူးပေါင်းရင်းမြစ်များ

Isaiah 42:21

Fo real, Da One In Charge wen like make da Rules he teach importan an awesome. Dat make him feel good inside An show erybody dat he stay do da right kine ting.

Matthew 3:14

But John tell Jesus, “How come you come by me? Me, I no can baptize you. Eh, I need fo you baptize me!”

Luke 1:6

Zekariah an his wife do da right tings da way God see um. Eryting Da One In Charge tell um fo do, an all da Rules From God, dey do um. An no mo nobody poin finga dem.

John 13:15

I wen show you guys wat fo do, cuz jalike I wen do fo you guys, you guys suppose to do too.

John 15:10

If you guys stay do wat I tell you guys fo do, den you guys goin hang in dea an stay tight wit me fo shua, an I goin give you guys my love an aloha. Jalike I do wat my Faddah tell me fo do, an he stay give me plenny love an aloha.

John 4:34

Jesus tell, “I do wat God like, an I do all his work. Dass jalike food fo me.

John 8:29

Da One dat sen me hea, he stay wit me. He no leave me. I erytime do da kine stuff dat he like.”

Hebrews 7:26

Jesus, he da right kine Main Pries Guy fo us guys: He stay good an spesho fo God. Nobody can poin finga him notting. He stay clean inside. He stay diffren den all da peopo dat stay do bad kine stuff. An God make him mo importan den eryting inside da world o inside da sky.

1 John 2:6

Whoeva tell dey stay tight wit God, dey gotta live jalike Jesus wen live!