Matthew 28:7 - Hawaii Pidgin Bible

⁷ Den hurry up! Go tell da guys he wen teach, dat God make him come back alive from mahke awready. An you know, he goin go Galilee side firs, den you guys suppose to go ova dea too. Dass da place wea you guys goin see him. Lissen up! Dass wat I suppose to tell you guys.”

Matthew 28:7 ပူးပေါင်းရင်းမြစ်များ

Isaiah 44:8

Eh my peopo! No shake an no come sked! I wen tell you guys bout dis long time befoa. I wen tell you guys how stay. You guys can tell wat you know bout me. You tink get anodda god jalike me?! No! No mo no anodda god dat stay strong an solid, Jalike one big rock. I know, no mo anodda god lidat!

Isaiah 45:21

Eh, you guys dat pray to da wood kine gods! Tell me how come you do dat. Go come ova hea by me Fo us figga out wat you like tell me. So! Who wen let peopo hear all dis From befo time, long time befo time? Az was me, Da One In Charge, I da One wen tell all dis. Cuz no mo anodda god dat stay fo real, I da ony One! I da God dat do da right ting erytime, An get peopo outa trouble. No mo anodda one can do dat, ony me.

Matthew 24:25

“Eh! Befo all dat happen, I stay tell you guys eryting now awready.

Matthew 26:32

But I goin come back alive afta I mahke, an den, I goin go Galilee side. Den you guys goin come by me ova dea.”

Matthew 28:10

An Jesus tell um, “Eh, no sked! Go tell my braddah guys fo go Galilee side. Dass da place wea dey goin see me.”

Matthew 28:8

Da wahines, dey run from da tomb fo tell Jesus guys. Dey real sked, but same time dey feel real good inside.

Mark 14:28

But afta I mahke, I goin come back alive, an den, I goin go Galilee side. Den you guys goin go by me ova dea.”

Mark 16:10

So she go tell da peopo dat was wit Jesus befo time. Dey stay sad an crying.

Mark 16:13

Da two guys go back, an tell da odda braddahs an sistahs. But still yet da odda peopo no tink az fo real kine wat da guys tell um.

Luke 24:34

Da eleven guys tell, “Jesus, Da One In Charge, wen come back alive, fo shua! Simon wen see him!”

John 14:29

I tell you guys all dis stuff befo da ting happen. So wen da ting happen, you guys goin trus me.

John 16:4

I wen tell you guys dis stuff too, so wen da time come, you guys no goin foget dat I wen tell you guys bout um. I neva tell you guys dis stuff befo, cuz I was wit you guys.

1 Corint 15:4

Dey wen bury him. Den, day numba three, Christ wen come back alive, jalike da Bible tell from befo time.

1 Corint 15:6

Afta dat, mo den five hundred braddahs an sistahs was togedda, an Christ wen let all dem see him. Mos a dem stay alive still yet, ony some a dem wen mahke awready.