Matthew 27:60 - Hawaii Pidgin Bible

⁶⁰ Joseph put um inside his new tomb, dat stay awready cut inside one small cliff. Joseph guys push one big rock in front da hole fo close um. Den dey go way.

Matthew 27:60 ပူးပေါင်းရင်းမြစ်များ

Start 50:5

‘My faddah guy, he wen make me make one strong promise, fo erybody know dat I goin do um. He tell, “I goin mahke, you know. You gotta bury me inside da place I wen make ready fo me, inside da Canaan land.” Az why now, I like go ova dea fo bury my faddah guy. Den I come back hea.’ ”

Isaiah 22:16

‘Wassamatta you?! Dis not yoa kuleana, you know! How come you get yoa peopo hea?! Who give you da right Fo build one fancy kine tomb inside dis big stone Fo yoa ohana bury you ova hea wen you mahke, One tomb dass mo high inside Den da tomb fo da oddas inside da big rock?! Dass da place you goin stay afta you mahke!

Isaiah 53:9

Dey set up one grave fo him Wit da bad guys. But wen he mahke, Dey put um inside one rich guy place. He mahke, no matta he no hurt nobody, An he no bulai nobody.

Matthew 27:59

Joseph take down da body from da cross, an wrap um up inside one clean cloth.

Matthew 27:66

Den dey go an put one offisho seal on top da big rock dat close da tomb, an leave some police guards ova dea fo guard um.

Matthew 28:2

Right den an dea, da groun shake real hard all ova, cuz one angel messenja guy from Da One In Charge come down from inside da sky. Da angel guy push da big rock away from da open part, an sit down on top da rock.

Luke 24:2

Dey see da big stone Jesus frenz wen use fo close da tomb. But da stone stay on da side now.

John 11:38

One mo time Jesus come all bodda inside. He go da cave wea dey wen bury Lazarus. Get one big stone dea dat cova da cave fo nobody go inside.

John 11:41

Den some guys push da stone away from da puka. Jesus look up to da sky an tell, “Faddah, mahalo plenny dat you lissen me.

John 19:41

Da place dey kill Jesus, get one garden wit trees, an one new place fo bury dat da owna guy jus pau dig outa one cave, an dey neva put nobody inside dea yet.

John 20:1

Da firs day in da week, Mary from Magdala come back to da place dey wen bury Jesus. She come dea wen dark still yet. She see da big stone Jesus frenz wen use fo close da place afta dey bury um. But now, da stone stay on da side.