Matthew 27:50 - Hawaii Pidgin Bible

⁵⁰ Jesus yell one mo time real loud, an den he let go his spirit an mahke.

Matthew 27:50 ပူးပေါင်းရင်းမြစ်များ

Daniel 9:26

“Afta da sixty-two times seven year, somebody goin kill da one dat God wen pick. He no goin get nobody his side. Goin get one leada dat goin come wit his army. Dey goin wipe out Jerusalem town an da Temple dat stay spesho fo God. Den da end goin come quick, jalike wen one flood come. Goin get war till da end, an erybody goin bag an eryting goin come wipe out.

Matthew 20:28

I da Fo Real Kine Guy. I neva come hea fo peopo take kea me. I wen come fo take kea dem. I wen come fo let peopo kill me. Dass how I cut loose plenny peopo from da powa dat da bad kine stuff get ova dem.”

Matthew 27:49

But da odda guys tell, “Try wait! We go see if Elijah goin come fo get him outa dis.”

Mark 15:37

Den Jesus yell one mo time real loud, an den he let go his spirit.

Luke 23:46

Jesus yell real loud. He tell, “Faddah! I give you my spirit!” Wen he tell dat, he mahke.

John 10:11

“Me, jalike one good sheep guy, cuz da good kine sheep guy ready fo mahke fo his sheeps.

John 10:15

jalike my Faddah know me, an I know my Faddah. I mahke fo my sheeps.

John 19:29

Had one jug full a cheap wine ova dea. Dey fill up one sponge wit da wine, put um on top one oregano branch, an put um up to his mout.

John 19:30

Wen Jesus taste da cheap wine he tell, “Eryting pau awready!” An he bend down his head, an den let go his spirit.

Hebrews 2:14

God kids get blood an bones cuz dey peopo. Dass why Jesus jalike dem, wit blood an bones too. He stay lidat so dat wen he mahke, he hemo all da powa from da Devil, da one dat get da powa fo kill peopo.

Hebrews 5:7

Wen Jesus stay hea inside da world, he pray real hard, an he cry real loud, cuz he know dat God can take him outa dea fo him no gotta mahke. An God lissen him, cuz Christ all da time show him respeck, an ony do wat God tell um fo do.

Hebrews 9:14

Kay den, da Good An Spesho Spirit dat stay aroun foeva wen help Christ bleed an mahke fo us guys. Christ wen give up his body to God fo make one sacrifice, jalike one pries give God one perfeck animal dat no mo notting wrong wit um fo make one sacrifice. So den, da kine sacrifice Christ wen make get way mo powa den da kine sacrifice from befo time. Az cuz Christ was da sacrifice, an he hemo da shame us guys get inside. Az why we no goin do da bad kine stuff dat cut us off from God no moa. An den we goin work fo God, da One dat stay alive fo real kine.