Matthew 27:24 - Hawaii Pidgin Bible

²⁴ Den Pilate know he no can make dem change dea minds, cuz da peopo stay bus up da place awready. Az why he take some watta an wash his hands in front da peopo. He tell, “No go poin finga me fo wateva you guys do to dis guy! Dass you guys kuleana!”

Matthew 27:24 ပူးပေါင်းရင်းမြစ်များ

Songs 26:6

Eh! You Da One In Charge! Inside yoa Temple, I goin wash my hands Fo show dat I neva do notting wrong. Den I goin walk aroun yoa altar fo make da sacrifice ready.

Jeremiah 2:27

Dey tell one wood idol, ‘You my faddah!’ Dey tell one stone idol, ‘You wen born me!’ Dey make deaf ear to me, An no lissen. But wen dey get trouble, Dey tell me, ‘Help us get outa trouble!’

Jeremiah 2:35

But you guys tell, “Me, fo shua I neva do notting wrong. God no stay huhu wit me now.” But me, God, I da One goin poin finga you guys, Cuz you tell, “I neva do notting wrong.”

Matthew 26:5

Dey tell, “Us no can do um Passova time, cuz den da peopo goin make big noise an like fight.”

Matthew 27:19

Pilate still stay sit on top da judge chair, an his wife sen somebody by him fo tell, “No bodda wit dat Jesus guy cuz he neva do notting bad. I wen suffa plenny inside one dream cuz a him!”

Matthew 27:23

But Pilate tell, “How come? Wat kine bad ting he wen do?” But dey yell mo loud, “Kill um on top one cross!”

Matthew 27:4

He tell um, “Eh, I wen do someting wrong! I wen set up one guy dat neva do notting bad!” But dey tell him, “Eh, no bodda us wit dat! Az yoa problem!”

Matthew 27:54

So da captain fo da army guys an his guys dat guard Jesus, dey see da groun stay shaking. Dey see all da stuff dat happen. Az why dey come real sked, an tell, “Fo shua, dis was God Boy!”

Matthew 27:9

Dis happen jalike Jeremiah wen tell befo time. He one guy dat wen talk fo God, an he tell, “Had some Israel peopo dat tell, ‘We give thirty silva coin fo dis guy.’

John 13:9

Simon Peter tell him, “Kay den, you Da One In Charge! No wash ony my feets. Wash my hands an my head too!”

John 19:4

Den Pilate go outside one mo time, an tell erybody, “Eh, look! I goin bring him outside fo you guys, fo you guys know dat I no find notting bad he do dat I gotta punish him.”

Jesus Guys 3:14

You guys wen turn ova to Pilate da Good An Spesho One From God dat erytime do da right ting, an den you tell you like Pilate fo turn ova one killa guy to you guys.

2 Corint 5:21

Christ, he neva do notting bad, but God wen make him take inside him all da bad kine stuff us guys wen do. God wen do dat fo us guys come pono, jalike God stay pono. Dass wat Christ wen do.

1 Peter 3:18

You know, Christ wen mahke ony one time cuz erybody stay do bad kine stuff. He erytime do da right ting, but den he wen mahke fo all da peopo dat stay do bad kine tings. He wen mahke fo you guys come nea God. Christ get one body jalike us, an peopo wen kill him, an God Spirit wen make him come alive one mo time.