Matthew 27:17 - Hawaii Pidgin Bible

¹⁷ So wen all da peopo come togedda, Pilate aks um, “Who you guys like me let go fo you? You like Barabbas? O you like Jesus da guy dey call da Christ Guy, da one dey tell God wen sen um?”

Matthew 27:17 ပူးပေါင်းရင်းမြစ်များ

1 Kings 18:21

On top Mount Carmel, Elijah go in front all da peopo. He tell, “You guys gotta make up yoa mind right now, one way o da odda way! If Da One In Charge stay God fo real kine, go wit him! But if Baal stay God fo real kine, go wit him!” Da peopo, dey no say notting.

Matthew 1:16

Jacob, he Joseph faddah. An Joseph, he Mary husban. Mary born Jesus, da one dey call da Christ Guy, da Spesho Guy God Wen Sen.

Matthew 27:16

Had one guy Barabbas dat stay inside da prison. All da peopo know bout him.

Matthew 27:18

Pilate know awready dat da leada guys wen give Jesus to him cuz dey real mad at Jesus. Cuz erybody lissen Jesus, an no lissen da leada guys.

John 19:15

But dey make big noise an yell, “Hang um up! Hang um up! Kill da buggah on top one cross!” Pilate tell um, “Wot! You like me kill yoa king?!” Da Main Pries guys tell, “Us guys, we no mo anodda king, ony King Cesar!”

John 4:25

Da wahine tell, “I know fo real da Messiah goin come, da Christ Guy, da Spesho Guy God Goin Sen. Wen he come, he goin tell us eryting.”

Joshua 24:15

But if you guys no like work fo Da One In Charge, den today pick wat gods you goin work fo! Goin be da gods yoa ancesta guys wen work fo da odda side a da Eufrates Riva, o da gods fo da Amor peopo wea you live now, o wat?! But me an my ohana, us guys goin work fo Da One In Charge!”