Matthew 26:60 - Hawaii Pidgin Bible

⁶⁰ Plenny guys come an try bulai bout Jesus, but still yet dey no can find nobody dat tell wat da leada guys like. Wen almos pau, two guys come.

Matthew 26:60 ပူးပေါင်းရင်းမြစ်များ

Songs 27:12

No let da guys dat stay agains me Make any kine to me. Dey make jalike dey tell da trut bout me, But dey ony bulai. Ova an ova, dey tell dey goin bus me up.

Songs 35:11

Peopo come in front da judge Dat ony like tell stuff fo hurt me. Dey aks me bout stuff Dat I donno notting about.

Rules Secon Time 19:15

If ony get one guy dat see someting happen, dass not enuff fo tell dat somebody wen do someting bad o do someting wrong. Ony can show proof wit two o three peopo dat see um do um.

Titus 2:8

Da stuff you tell, gotta be solid, fo nobody tell you donno wat you stay talking bout. Den, if get one guy dat no like wat you tell, he goin come all shame, cuz he no can tell us guys do bad kine stuffs.

1 Peter 3:16

But tell um nice kine, an show respeck to dem cuz you know you stay do da right ting. Goin get guys dat talk bad bout you guys, no matta you guys do good kine stuff cuz you stay tight wit Christ. Dem guys goin come shame cuz dey wen talk any kine bout you guys.