Matthew 26:31 - Hawaii Pidgin Bible

³¹ Ova dea, Jesus tell um, “All you guys goin come bum out cuz you no can handle da shame fo wat goin happen to me tonite. Cuz befo time God tell inside da Bible, ‘I goin kill da sheep guy, an all his sheeps goin scatta all ova da place.’

Matthew 26:31 ပူးပေါင်းရင်းမြစ်များ

Songs 38:11

Da peopo I get love an aloha fo, An my frenz, Dey all stay far, cuz dey sked Dey goin get da same kine sick Jalike me. Even my ohana peopo, Dey no come close.

Songs 69:20

Da way dem guys talk bad bout me, Inside I come real sore. I look fo somebody Dat can take away da sore, But no mo nobody can do dat.

Songs 88:18

You make my frenz An da odda peopo I love Stay far away from me. I ony know da dark places.

Isaiah 53:10

Still yet, was Da One In Charge Dat tink az good, Fo smash da guy dat work fo Him An make him suffa. Da One In Charge make him mahke, jalike one sacrifice Fo all da blame peopo get Cuz a da bad kine stuff we do. But still yet, da guy dat work fo Da One In Charge, He goin see da ones dat goin come from him, an live long time, An he goin get da powa Fo do wateva Da One In Charge like Fo him make happen.

Sad Song 1:19

“I call out to da peopo I get love an aloha fo, But da way dey ack, no can trus um! My pries guys an my older leadas mahke inside Jerusalem, Wen dey stay look fo food Fo dem stay alive.

Zekariah 13:7

Dis wat Da One In Charge, da God Ova All Da Armies, tell: “Grab my sword! Go stab my sheep guy, Da guy dat work wit me! Wack da sheep guy, an da sheeps goin scatta. I even goin go agains da young sheeps.”

Matthew 11:6

An if da tings I do no bodda you, den you goin feel good inside.”

Matthew 26:24

I da Fo Real Kine Guy. I goin mahke jalike da Bible wen tell befo time. But bummahs to da guy dat goin set me up. Mo betta he neva wen born!”

Matthew 26:56

But all dis gotta happen, jalike da guys dat talk fo God wen write inside da Bible.” Den all his guys bag, an no mo nobody stay dea by him.

John 16:32

You know wat? Da time goin come, an almos stay hea now, wen all you guys goin bag, an scatta all ova da place. Erybody goin go his place, an I no goin stay by nobody. But I no stay by nobody, cuz my Faddah stay by me.