Matthew 26:29 - Hawaii Pidgin Bible

²⁹ An I stay tell you guys, afta dis, I no goin drink dis kine wine, till da time come wen all us stay togedda wea my Faddah stay King. Dat time, I goin drink da new kine wine wit you guys.”

Matthew 26:29 ပူးပေါင်းရင်းမြစ်များ

Songs 104:15

Dey grow da grape fo da wine Dat make um feel good inside, An da olive fo da oil Dat make dea face look nice, An da wheat fo da bread Dat make um stay strong.

Songs 4:7

You make me stay good inside wen you smile nice kine, Mo betta den peopo stay inside, Wen dea fields get plenny wheat an plenny grape.

Songs 40:3

He wen put inside my mout One song I neva sing befo, One song dat tell How awesome oua God stay. Goin get plenny peopo Dat goin see wat he wen do. Dey goin come all sked cuz a dat, An den, dey goin trus Da One In Charge!

Love Song 5:1

Eh sistah! I stay come inside my garden, My bride, da one I love. I bring my myrrh, an my balsam spice too. I eat my honeycomb, an my honey too. I drink my wine, an my milk too. Eh ma frenz! Eat an drink! You guys dat love each odda, drink plenny, Till you come full.

Isaiah 25:6

On top dis mountain, Jerusalem side, Da One In Charge, Da God Ova All Da Armies, He goin make one big luau fo all da diffren peopos. Goin get da bestes kine food, All da bestes kine wine, An good kine meat wit plenny good stuff inside da bone, Ol kine wine dat no mo junks awready.

Isaiah 53:11

Afta da guy dat work fo Da One In Charge Work real hard an suffa plenny, He goin see wat happen cuz a all dat, An he goin feel good inside. Da One In Charge tell, “Cuz my worka guy know wat he stay do, An cuz he do da right ting erytime, He goin make plenny peopo Get um right wit me. Az cuz he da one take da blame Fo all da bad kine stuff dose peopo do.

Zefaniah 3:17

Yoa God, Da One In Charge, stay right dea wit you guys! He get plenny powa fo make you guys da winnas! He goin dance an sing bout you guys. He goin make you guys come so notting bodda you, Cuz he get love an aloha fo you guys. He goin yell, cuz he stay real good inside bout you guys!’ ”

Zekariah 9:17

Da peopo a Da One In Charge, Dey goin be good looking an beautiful! Da wheat an barley goin make da young guys strong. An da new wine goin make da young wahines beautiful.

Matthew 13:43

Den da guys dat stay do da right tings goin stay wit dea Faddah da King, an be awesome an shine jalike da sun. If you guys hear dis, den lissen up real good!

Matthew 16:28

Dass right! An I like tell you guys dis too: I da Guy Dass fo Real, an get some peopo stay stan ova hea, dat no goin mahke till dey see me come King.”

Matthew 18:20

Cuz wea evas two o three guys come togedda cuz dey my guys, I stay right ova dea wit dem.”

Matthew 25:34

“Me, da King. Dat time I goin tell da guys on my right side, ‘Go come ova hea! My Faddah like do plenny good kine stuff fo you guys, an give you guys eryting you need. You know, wen he make da world, he awready make all dis stuff ready fo you guys, cuz I goin come yoa King. Az why all dis stuff fo you guys! Take um awready.’

Matthew 26:28

Dis hea, my blood fo make solid da New Deal dat God stay make. Dey goin kill me, an my blood goin come out from my body jalike wen dey kill one sacrifice. Dat goin help plenny peopo, fo God let um go an hemo dea shame fo all da bad kine stuff dey do.

Matthew 26:30

Jesus dem sing one song fo tell God “Mahalo,” an go da Olive Ridge.

Matthew 28:20

Teach um how fo do eryting I wen tell you guys fo do. An you know wat? I goin stay tight wit you guys ery day, till da world come pau.”

Mark 14:25

Dass right! An I tell you guys, afta dis I no goin drink notting from da grape vine one mo time till da time come wen we all stay togedda wea God stay king. Dat time, I goin drink da new kine wine.”

Luke 12:32

“You guys, you jalike bebe sheeps. No sked, cuz yoa Faddah da King like give you eryting he get.

Luke 15:32

But eh! good we throw party, make kanikapila, an sing an feel good inside! Cuz dis guy, yoa braddah, jalike wen mahke, but now he come back alive! Cuz he was lost, but now we find um!’ ”

John 15:11

“I wen tell you guys all dis stuff awready fo you guys stay good inside, jalike I stay good inside. Den you guys goin stay good inside to da max.

John 16:22

Same ting wit you guys: Now, you guys stay sad an crying inside, but bumbye I goin see you guys one mo time, an den you guys goin stay good inside. Dat time, no goin get nobody fo make you feel bad one mo time.

John 17:13

“Now I goin come by you. I tell dese tings hea inside da world fo my peopo stay good inside to da max, jalike me.

Jesus Guys 10:41

All da peopo neva see um, but us guys dat God wen pick fo tell bout him, us wen see um. We wen eat an drink wit him afta he come back alive.

Hebrews 12:2

Da whole time us guys stay run da race, we look at one guy ony, dass Jesus. He da One dat help us start fo trus God, an da One dat help us fo trus God to da end. Wen he wen suffa on top da cross, he hang in dea. Neva bodda him dat dey make him come shame. He do dat cuz he know dat bumbye he goin come real good inside. An in da end, he sit down in da mos importan place, by God throne, on da right side.

Jesus Show 14:3

Dey sing one new song in front da throne, an in front da four tings dat stay alive an go ery place God go, an da older leadas. No mo nobody can learn da song, ony da 144,000 peopo on top da earth dat God wen pay da price fo get um back fo him, dey can learn um.

Jesus Show 7:17

Cuz da Bebe Sheep Guy Dat sit in da middo a da throne, He goin take kea dem Jalike one sheep farma dat take kea his sheeps. He goin bring dem by da puka Fo da watta dat make peopo get life fo real kine. An God goin wipe away all dea tears from dea eyes.”