Matthew 25:37 - Hawaii Pidgin Bible

³⁷ “Den da guys dat erytime do da right ting goin tell me, ‘Eh Boss! Wen was, dat you was hungry an we give you food? Wen was, dat you was thirsty an we give you someting fo drink?

Matthew 25:37 ပူးပေါင်းရင်းမြစ်များ

1 Records 29:14

“But who me, an who my peopo, dat us guys get enuff stuff fo us give all dis to you, an stay good inside cuz we give um?! Eryting come from you, an us guys ony give back to you wass yoas.

Smart Guys 15:33

You stay sked a Da One In Charge, You goin learn how fo know wat fo do cuz a dat, An how fo do da right ting erytime. Wen you no make high makamaka kine, Den peopo goin get respeck fo you.

Isaiah 64:6

All us guys wen come Jalike somebody dat do pilau kine stuff An no can come in front you, Da One In Charge, cuz a dat. All da tings we do fo show we stay do da right ting, Jalike pilau an dirty kine rags. We all lose fight, jalike one dry up leaf. An da bad kine stuff we do, wipe us out Jalike wen da wind blow away da leaf.

Matthew 25:36

I neva had clotheses, an you guys give me clotheses. I was sick an you guys take kea me. I wen stay one prison an you guys come fo see me.

Matthew 25:38

Wen was, dat you wen go wea nobody know you, an us tell, “Eh, come stay oua house”? Wen was, dat you neva had clotheses, an us give you clotheses?

Matthew 5:6

“Da peopo dat erytime fo real kine like do da right ting, Dey can stay good inside Cuz God goin help um do um.

Matthew 6:3

“So you guys, wen you give money to da guys dat no mo notting, no tell nobody.

1 Corint 15:10

But God, he unreals good to me! He wen make me come how I stay now. An he neva wase time wen he wen do real plenny good stuff fo me. Afta he wen do um, den I wen work mo hard den all da odda guys. But no was me—was God, you know, dat wen do all da good tings fo me, an he stay work inside me still yet.