Matthew 25:10 - Hawaii Pidgin Bible

¹⁰ So da stupid girls go fo buy some mo olive oil. Den da groom come by da smart girls. Dey was ready, an dey go wit him to da wedding party. An da groom peopo shut da door.

Matthew 25:10 ပူးပေါင်းရင်းမြစ်များ

Start 7:16

Da ones dat go inside, had da boy kine an da girl kine fo ery kine ting dat stay alive, jalike God wen tell Noah fo get. Den, Da One In Charge shut da door wit Noah dem inside.

Songs 95:11

Cuz a dem, I wen come huhu An make one strong promise— I wen tell, ‘No way dese peopo goin go Da place wea I goin make dem come So notting bodda dem!’ ” An dass wat God tell you guys today.

Matthew 24:42

“So, watch out! Cuz you guys donno wat time yoa Boss goin come back.

Matthew 24:43

But you guys gotta figga dis: If da main guy inside da house know wat time da steala guy goin come, he goin watch out fo um. He no goin let um inside fo bus up his place. But he donno da time.

Matthew 24:44

Az why you guys betta be ready, cuz I da Fo Real Kine Guy. Da time you guys figga I no goin come, dass wen I goin come.

Matthew 25:6

Midnite, somebody yell, ‘Eh! Da groom stay come! Go come outside fo meet him!’

Matthew 7:21

“Goin get peopo dat stay tell me, ‘Eh Boss! Boss!’ But not all a dem goin get God in da sky fo dea King. Ony da peopo dat do wat my Faddah in da sky like, dey goin get him fo dea King.

Luke 12:35

“Betta be ready, jalike you put on yoa clotheses an get ready fo work, an leave da light on,

Luke 13:25

God jalike one house owna dat eat, den go lock da door fo go sleep. Den you guys goin stan outside an start fo knock da door an tell, ‘Eh Boss, try open da door fo us!’ But he goin tell you guys, ‘I donno who you guys o wea you guys come from!’

Colosse 1:12

Den you guys can tell da Faddah “Mahalo plenny!” an feel real good inside. He wen make us his kids fo us get da good stuff he wen promise fo give all his kids: his kids, dass da peopo dat stay spesho fo God. He wen free us up from da powa da Bad Guy get ova us fo make us do bad kine stuff. Dass why now us no do bad kine stuff. An God wen take us outa da dark an put us inside da place wea Jesus stay oua King. Jesus, he God Boy an his Faddah get love an aloha fo him.

2 Timoty 4:8

Now, ony get one ting I stay wait fo get—dass da spesho medal fo da winna, dat Da One In Charge goin give to all da peopo dat do da right tings. He da Judge, an he do eryting da right way. Wen da right time come, he goin give me da spesho medal fo da winna. Not ony fo me, but fo all da odda peopo dat get love an aloha fo Da One In Charge, an fo real like him come back. Den he goin give dem dea spesho medal too.

1 Peter 1:13

So den, make ready fo tink good bout all dis stuff. Try tink clear fo know wat fo do erytime. Stay ready fo go all out fo trus Jesus Christ till God bring him back. Cuz dass wen God goin give you guys all da good kine stuff.

Jesus Show 1:7

Try look! Look! Jesus stay come inside da clouds! Erybody goin see him, Even da guys dat wen stab him wit dea spear. All da diffren peopos all ova da world goin cry An feel bad inside cuz wat wen happen to him. Dass how goin be! Dass it!

Jesus Show 19:7

Now we can feel good inside, An dance an sing, An tell how awesome he stay! “Cuz now, get da big luau Fo God Bebe Sheep Guy! Jesus goin take his peopo fo be wit him, An dey stay ready fo stay wit him, Jalike wen da groom marry his bride An she stay ready fo him.”

Jesus Show 22:20

Da One dat tell all dis stuff tell, “Yeah, I goin come back real quick!” Yeah, You Da One In Charge! Go come back real quick, Jesus!