Matthew 24:39 - Hawaii Pidgin Bible

³⁹ Da odda peopo, dey neva know wat was goin happen, till da big watta come an wipe um out. You know, I da Fo Real Kine Guy, an wen I come back, goin be same ting lidat.

Matthew 24:39 ပူးပေါင်းရင်းမြစ်များ

Start 7:23

Afta, neva have notting dat live on top da groun. Neva have peopo, o animals dat live wit peopo, o tings dat crawl on top da groun, o birds dat fly inside da sky. God wipe um all out. Noah, he da ony guy dat stay alive, him an da odda peopo dat stay wit him inside da big boat.

Smart Guys 23:35

You goin talk lidis: “Da buggahs, dey wen wack me, But I no feel sore! Dey wen bus me up, An I neva know! Wen I wake up, I goin get anodda drink!”

Smart Guys 24:12

An if you make Like you neva know notting, Fo shua, Da One In Charge know How you stay inside. An he goin know How come you neva do someting, O if you neva know fo real kine. An da same way erybody make, Az how Da One In Charge goin pay um back.

Smart Guys 29:7

Da guys dat do wass right erytime, Dey know dat da peopo dat no mo powa Get rights wen dey gotta go in front da judge. Da guys dat stay do bad kine stuff, Dey no even tink bout da rights da odda guys get.

Isaiah 42:25

So, dass how come Da One In Charge wen come real huhu Wit da Israel peopo, an punish dem. He make odda peopo go make war agains dem. Da war jalike get fire all aroun dem, But dey still yet no undastan! Da fire wipe dem out, But dey still yet no tink!

Matthew 16:27

I da Fo Real Kine Guy. I goin come back wit God angel messenja guys from da sky. Goin be awesome, cuz my Faddah, he awesome. Den I goin pay erybody fo wat dey wen do, good kine o bad kine.

Matthew 24:3

Den bumbye, Jesus go da Olive Ridge an sit down ova dea. Wen no mo odda guys dea, his guys go by him. Dey tell him, “Wat time all dat kine stuff goin happen? An wat kine ting goin happen fo show us wen you goin come back ova hea, an wen da world goin come pau?”

Matthew 24:30

“I da Fo Real Kine Guy. Dat time, da peopo goin see someting up dea inside da sky dat goin show dem dat I stay come. An all da diffren kine peopos all ova da world goin cry hard an come real sad. Den dey goin spock me, da Fo Real Kine Guy. I goin come on top da clouds inside da sky. I goin come wit powa an I goin be awesome!

Matthew 24:37

“I da Fo Real Kine Guy. Wen I come back, eryting goin be jalike befo time wen da guy Noah live.

Matthew 24:40

“Goin get two guys stay working inside one field. God goin take one guy, an he no goin take da odda guy.

Luke 19:44

Dey goin wipe out you guys, you an yoa kids inside dea. Dey not goin let one stone stay on top da odda. Cuz you guys neva like know wen God goin show up.”

John 3:20

Erybody dat stay do bad kine stuff hate da light, an no like let da light shine on top dem. Cuz dey no like nobody know bout da bad kine stuff dey stay do.

Jesus Guys 13:41

“ ‘You guys dat make fun a wat God tell, Drop yoa jaws! You goin come wipe out! I stay ready fo make someting happen Wen you guys still stay alive. Someting you guys no goin tink Az fo real kine, No matta somebody Tell you all about um.’ ” Dass wat Paul tell um.

Rome 1:28

Cuz dey tink, “Mo betta we no stay tight wit God fo real kine!” Az why God let um ack how dey like ack. An dey ony tink fo do no good kine stuffs. Dass how dey ack.

2 Peter 3:5

But you know, get one ting dem buggahs make deaf ear bout: Long time befo time, wen eryting wen start, God wen command an get da sky. Den God wen start wit da watta fo make da land an da watta diffren kine. He make da land come up from da watta.

Local Leadas 20:34

Den 10,000 Israel guys dat fight real good go strait an attack Gibeah town. Dey fight so hard dat da Benjamin guys donno dat someting mo bad goin happen to dem.