Matthew 23:39 - Hawaii Pidgin Bible

³⁹ I tell you guys, you no goin see me one mo time till you tell, ‘Dis guy come wit powa from Da One In Charge. We like God do plenny good tings fo him!’ ”

Matthew 23:39 ပူးပေါင်းရင်းမြစ်များ

Songs 118:26

Da pries guys tell: “Us guys like fo good tings happen To da one dat come hea Cuz Da One In Charge give um Da right fo come. Us pries guys dat stay hea Inside da Temple Fo Da One In Charge, Us like fo good tings happen To all you guys.

Hosea 3:4

Dass jalike one picha: Da Israel peopo goin stay long time. An all dat time, dey no goin get one king o prince, an dey no goin make sacrifice fo da odda gods. No goin get poses fo da odda gods dat stay kapu fo dem, o one spesho ves fo da Main Pries Guy, o small kine statues fo find out wat da odda gods tell.

Zekariah 12:10

“Me, Da One In Charge, goin make da David ohana an da Jerusalem peopo like do good kine stuff fo odda peopo, an dey goin pray to God fo help dem too. Dey goin look me, da guy dey wen stab. Dey goin stay real sore inside, jalike somebody stay sore cuz dea firs boy dat born wen mahke.

Matthew 21:9

An plenny guys stay walk in front an behind, an yell, “Hui! God goin take us outa da bad kine stuff we stay in! Dis guy from King David ohana, God goin do plenny good kine stuff fo him. He da guy dat come wit powa from Da One In Charge! Da awesome God goin take us Outa da bad kine stuff we stay in!”

Luke 17:22

Den he tell da guys he teaching, “Eh, you know, I Jesus, da Fo Real Kine Guy. Goin get one time, wen you guys goin figga, ‘Eh! Fo real kine, I like see Jesus come back now!’ But you no goin see me.

John 14:19

Litto wile moa, da peopo inside da world no goin see me. But you guys goin see me. Cuz I goin come back alive, dass why you guys goin come alive fo real kine.

John 14:9

Jesus tell him, “I stay wit you guys long time, an you still yet donno who me, Philip? Whoeva see me, dey see my Faddah. So how come you tell, ‘Show us yoa Faddah’?

John 8:21

Jesus tell da Pharisee guys one mo time, “I goin go away, an you guys goin look fo me. Da place I goin go, you guys no can go dea. But you guys goin get cut off from God foeva cuz a all da bad kine stuff you guys stay do.”

John 8:24

Dass why I tell dat you guys goin get cut off from God foeva cuz a all da bad kine stuff you guys stay do. Cuz if you guys no stay shua dat I da Spesho Guy, den you guys goin mahke from all da bad kine stuff you stay do.”

John 8:56

Abraham, dass you guys faddah. He wen stay real good inside wen he find out dat I goin come hea. He wen see dat, an he feel good inside.”

Rome 11:25

Braddahs, dis someting you guys gotta know dat was secret befo time. If you undastan um, den you no goin get big head cuz you tink you smart. Dis da secret: Da Israel peopo wen come hard head an neva like trus God, but dey no goin be lidat foeva. Bumbye wen all da peopo dass not Jew guys trus God, den da Jew guys goin trus um too.