Matthew 22:18 - Hawaii Pidgin Bible

¹⁸ But Jesus know dey stay trying fo make any kine, an he tell, “You guys, you tell one ting an do anodda! How come you guys try fo make me tell any kine?

Matthew 22:18 ပူးပေါင်းရင်းမြစ်များ

Matthew 12:15

Jesus know wat dey stay talking bout, so he go way from ova dea. Choke plenny peopo go wit him, an he make all da sick peopo come good.

Matthew 19:3

Had some Pharisee guys dat go by Jesus fo try trap him from wat he goin tell um. Dey tell him, “Inside da Rules From God, az right, o wat, fo one guy go throw out his wife fo watevas?”

Matthew 22:17

So, wat? da Rules From God tell, az right fo pay King Cesar da tax money, o wat?”

Matthew 22:19

Show me da kine coin fo da tax.” An dey show um.

Mark 12:5

So he sen anodda worka guy, an dey kill him. Da owna sen plenny odda guys. Some a dem dey bus up, but da oddas, dey kill um.

Mark 2:8

But right den Jesus know inside wat dey tink. He tell, “How come you guys tink bad kine stuff lidat?

Luke 10:25

One teacha dat teach da Rules From God stan up fo aks Jesus one question fo tes him. He tell, “Teacha, wat I gotta do fo get da real kine life dat goin stay to da max foeva?”

Luke 20:23

Jesus know dey smart an trying fo trick him, so he tell um,

Luke 5:22

But Jesus know wat dey tinking. He tell, “How come you guys tink bad kine stuff lidat?

Luke 9:47

Jesus know wat dey tink, so he tell one small kid fo stan by him.

John 2:25

He neva need nobody fo tell um how da peopo stay, cuz he know how dey stay inside.

John 8:6

Dey tell dat fo see wat Jesus goin tell, cuz dey like catch um fo bus um. But Jesus bend ova an write someting wit his finga on top da dirt.

Jesus Guys 5:9

Peter tell her, “How come you an yoa husban make one sly kine plan fo find out if da Spirit a Da One In Charge goin let you guys bulai? Look! Da guys dat wen bury yoa husban, dey right dea outside da door, an dey goin carry you ova dea too.”

Jesus Show 2:23

Fo shua, I goin kill erybody dat make jalike her. Den all da church peopo goin know dat I da One dat look inside da heart an da head an know wat erybody stay like, an wat dey tink, an I goin pay erybody fo wat dey do, good o bad.