Matthew 21:42 - Hawaii Pidgin Bible

⁴² Den Jesus tell um, “You guys neva read dis inside da Bible, o wat? bout da stone dass jalike me: “Had one big stone, Da builda guys stay figga, ‘Poho! Dis stone no good!’ An dey throw um out. But dat stone, Dass da corna block Fo make da building strong. Da One In Charge wen do dis, aah? An dis awesome!”

Matthew 21:42 ပူးပေါင်းရင်းမြစ်များ

Isaiah 28:16

Cuz dass how you guys tink, Da One In Charge a me tell dis: “Dis, wat I do! I da One goin put one stone on top da Zion hill Wea my Temple stay. One fo shua solid kine stone. Dat stone, jalike da corna block. Dass real importan Fo make da foundation stay solid. An da stone mean dis: ‘Anybody dat trus him, no need worry.’

Habakkuk 1:5

Da One In Charge tell: “Look aroun all da diffren nations An watch um good. Yoa jaw goin drop! I stay ready fo make someting happen Wen you guys still stay alive. An you guys not goin tink wat I tell az fo real, No matta I tell you guys befo dat happen!

Matthew 21:43

“I tell you guys, God goin be king fo odda peopos dat do good kine stuff jalike he do. But he no goin be king fo yoa peopo no moa.

Jesus Guys 4:11

Jesus, he da One da Bible talk bout: “ ‘Da stone da builda guys neva like use, cuz dey figga was no good, Dat stone come da corna block fo da whole building.’

Efesus 2:20

Dass jalike God wen build one house. Da guys he wen sen all ova fo tell da peopo da Good Stuff bout him, an da guys dat wen go talk fo him, dey jalike da foundation. An you guys, jalike he build you guys togedda on top um. An Jesus Christ, he jalike da corna block.