Matthew 20:19 - Hawaii Pidgin Bible

¹⁹ Dey goin turn me ova to da guys dass not Jew guys. Dey goin make any kine to me, whip me, an den kill me on top one cross. Den day numba three afta I mahke, God goin make me come back alive.”

Matthew 20:19 ပူးပေါင်းရင်းမြစ်များ

Job 30:8

Dey stupid, an no mo nobody know dea name. Peopo wack um an push um outa da land.

Songs 35:16

Dey ack jalike God no matta, Dey erytime make fun a me, Dey grind dea teet, cuz dey real mad.

Isaiah 26:19

Yoa mahke guys goin come alive one mo time! Da mahke bodies a my peopo goin come up! All you guys dat was inside da dirt, Wake up an yell cuz you feel good inside! Da mahke spirits goin come alive one mo time, All new, jalike da watta dat come on top da grass Wen da light come, morning time, An jalike da earth wen make um come up.

Isaiah 53:3

Peopo make to him jalike he notting. Dey no let him do notting wit dem. He one guy dat stay sad inside, An he know how feel fo suffa plenny. Peopo turn aroun an look da odda way Cuz dey no like see him. Dey make to him jalike he nobody, An nobody kea bout him.

Hosea 6:2

Two days, an he goin make us come strong one mo time. Day numba three he goin bring us back, So den we goin stay alive in front him!

Matthew 12:40

Jonah wen stay inside one big fish three day an three nite. Same ting, I Da Fo Real Kine Guy, an I goin stay unda da groun three day an three nite lidat.

Matthew 16:21

Jesus start fo show da guys he stay teach how he gotta go Jerusalem an suffa plenny ova dea. All da older leada guys, da Main Pries guys, an da teacha guys dat teach da Rules From God, dey da ones dat goin make Jesus suffa, an dey da ones dat goin kill him. But he goin come back alive afta three days.

Matthew 17:23

Dey goin kill me, an afta dat, day numba three, I goin come back alive.” Dat make Jesus guys come real sad.

Matthew 27:26

Den Pilate tell da army guys, “Let Barabbas go. Whip Jesus. Den kill um on top one cross.”

Matthew 27:63

Dey tell, “Eh Govna, us guys no foget, wen dat fake guy still alive, he tell, ‘Afta three days I goin come back alive one mo time.’

Mark 14:65

Den some guys spit on top him, an dey cova his eyes wit one cloth, an punch him, an tell, “Talk some moa! If you one guy dat talk fo God, tell us guys who wen hit you!” Da police guys take him an wack him too.

Mark 15:1

Early morning time, all da Main Pries guys, da older leadas fo da peopo, da teachas dat teach da Rules From God, an all da main leadas, go figga out wat fo do bout Jesus. So dey tie him up, take him away, an give him to Pilate, da govna.

Mark 15:15

Pilate like make da peopo stay good inside. Az why he let Barabbas go fo dem. He tell da army guys fo whip Jesus an den kill him on top one cross.

Luke 18:32

Dey goin turn me ova to da guys dass not Jew guys. Dey goin make fun a me, an talk any kine to me, an spit on me, an whip me hard, an kill me.

Luke 23:11

Den Herod an his army guys ack jalike Jesus no good, an make fun a him. Dey put one fancy robe on top him, an sen him back to Pilate.

Luke 24:46

He tell um, “Dis wat dey wen write, ‘Da Christ Guy, da Spesho Guy God Goin Sen, he goin suffa an mahke, an den come back alive on day numba three afta he mahke.

Jesus Guys 2:23

God plan dis long time befo time, cuz he know dey goin give Jesus ova to you guys. An you guys wen take him an let da bad kine guys kill um on top one cross.

Jesus Guys 21:11

He come by us, an take Paul belt. He tie up Paul hands an feets wit um, an tell, “da Good An Spesho Spirit tell dis, ‘Da Jew guys inside Jerusalem goin tie up da guy dat own dis belt lidis. An dey goin turn ova dat guy to da peopo dass not Jew guys.’ ”

Jesus Guys 4:27

“An dass wat wen happen! Had King Herod an da govna Pontius Pilate, an da peopo dass not Jew guys, an da Israel peopo. Dey all come togedda inside dis town fo make one plan how dey goin kill Jesus. He yoa Good An Spesho Worka Guy, da One You Wen Sen.