Matthew 2:18 - Hawaii Pidgin Bible

¹⁸ “Dey hear one voice from inside Ramah, Rachel, she stay cry real hard, She real sore inside, An cry fo her kids, She no like nobody come by her, Cuz da kids mahke awready.”

Matthew 2:18 ပူးပေါင်းရင်းမြစ်များ

Start 37:30

He go back by da odda braddah guys, an tell um, “Da boy! He no stay! An wat I goin do now?!”

Start 42:36

Dea faddah Jacob tell um, “You guys! You take my boys away from me! Joseph, he mahke awready. Simeon, gone awready. An now, you like take away Benjamin too! Eryting bad happen to me!”

Job 14:10

But peopo, wen dey start fo mahke, Dey come weak an breave da las time. An den, wea dey stay?!

Jeremiah 31:15

Dis wat Da One In Charge tell too: “I hear one voice from inside Ramah town. Somebody dea stay sad inside an cry. Jalike Rachel stay cry real hard fo da peopo dat come from her. She no let nobody tell her nice kine stuff bout her ohana. Cuz dey no stay no moa.”

Jeremiah 4:31

“I hear somebody yell jalike one wahine dat stay hurt plenny! She moan jalike she stay born her firs bebe. Az da Jerusalem peopo yelling! Jalike dey stay try fo breave but no can. Jalike dey put out dea hands an tell, ‘Bummahs! Help me! I goin pass out! Da guys dat like kill me stay hea!’ ”

Ezekiel 2:10

An he open um up in front me. On top da front side an da back side get some words, dat peopo sing wen dey stay sad inside, wen dey suffa long time, an wen dey cry.

Matthew 2:17

Dis happen jalike Jeremiah wen tell, da guy dat talk fo God long time befo time:

Luke 8:52

Same time all da peopo stay cry an moan fo her. Jesus tell, “No cry no moa! She not mahke, she ony stay sleep.”

Jesus Show 8:13

Den, jalike one dream, I look an hear one eagle dat stay fly high in da sky. An wit one loud voice he tell, “Horraz! Horraz! Horraz! Goin be real bad fo erybody dat stay alive on top da earth wen da odda three angel guys goin blow dea trumpet!”