Matthew 18:28 - Hawaii Pidgin Bible

²⁸ “Den dat same worka guy go outside, an spock anodda worka guy dat owe him ony litto bit money. He grab him by da neck, an tell him, ‘Eh! You owe me money! You betta pay me back!’

Matthew 18:28 ပူးပေါင်းရင်းမြစ်များ

Nehemiah 10:31

“Da Res Day, if da peopo dat stay dis land bring stuff fo sell, wheat o watevas, us guys no goin buy um from dem, no matta on da Res Day o on da odda days dat stay spesho fo God. Ery seven year, we no goin work da land. An if somebody owe us money, us goin tell um dey no need pay us back.

Nehemiah 5:7

Afta I tink plenny bout all dat, I take da alii guys an da govmen guys in front da judge. I tell all dem guys, “How come you guys stay take tings from yoa peopo?! You charge mo fo loan um money, an den wen dey no can pay, you charge um some moa!” Az why I tell all da peopo fo come togedda fo do someting bout dem guys.

Smart Guys 28:3

Wen one strong guy dat no mo notting ovathrow da govmen An make any kine to da peopo dat need stuff, Dass jalike wen one big rain come down An wash out eryting da peopo wen plant, So den dey no mo food.

Isaiah 58:3

“Dey tell me, ‘Wase time, Us guys skip food fo us pray, An you neva see dat! Wase time! Us guys no make big head bout notting, An you neva know!’ Dass how dey talk. “But you know wat you guys do?! Weneva you guys skip food, You do um fo make ony you feel good! An same time, you guys make any kine to all yoa worka guys.

Ezekiel 45:9

“ ‘Dis wat Da One In Charge, da Boss, tell: You princes inside Israel, you guys wen go far enuff! No bus up da peopo no moa, an no put presha on top dem no moa! Do wat stay right! No take ova dea land! Az wat me Da One In Charge, da Boss, tell.

Matthew 18:27

Cuz da king get pity fo him, he let da worka guy go, an tell him, ‘No need pay notting.’

Matthew 18:29

Da odda worka guy go down an beg um, ‘Try wait! Give me chance! I goin pay you back all da money.’

Matthew 20:2

He find some guys dat tell, ‘Yeah, we work fo you fo one day fo one silva denarius coin.’ “He tell um, ‘Kay den, go my grape farm fo work.’

Mark 14:5

How come she neva sell um fo plenny money, an give um to da peopo dat no mo notting?” An dey scold her.

Mark 6:37

But Jesus tell um, “Nah! Dey no need go. You guys, you give um someting fo eat.” Dey tell, “Us gotta work eight month fo make da money fo buy enuff bread fo feed all dese peopo! You like us guys go buy um?”

Luke 10:35

Da nex day, wen he leave, he give two silva coin to da inn boss an tell, ‘Take kea him, an wen I come back I pay you watevas extra fo take kea him.’

Luke 7:41

“Had two guys dat owe some money to one guy dat lend money. One guy owe him five hundred piece silva, an da odda guy fifty piece silva.

John 6:7

Philip tell um, “Gotta work mo den two hundred days fo get enuff money fo buy bread fo give all dese peopo even litto bit.”

Rules Secon Time 15:2

Dis how you goin do um. Erybody gotta let go an foget bout wat dey wen lend to anodda Israel guy. Dey no goin tell da odda Israel guy fo pay back wat dey owe, cuz az jalike dea braddah, you know, an az da time wen Da One In Charge tell erybody fo no go afta wat dey owe you.