Matthew 16:18 - Hawaii Pidgin Bible

¹⁸ I tell you, yoa name Peter, an dat mean ‘rock.’ On top dis rock I goin make my church. Da powa dat come from Hell fo kill peopo no goin win ova my church guys.

Matthew 16:18 ပူးပေါင်းရင်းမြစ်များ

Start 22:17

I goin make eryting come good fo you fo real kine. Da peopo dat goin come from you bumbye, I goin make dem come choke plenny peopo, jalike get plenny stars inside da sky an plenny sand on top da beach. An dey goin take ova da towns wea da peopo dat stay agains dem live.

2 Samuel 18:4

Da king tell dem, “Kay den. I goin do wat you guys tink az mo betta fo me do.” So da king stan by da town gate wen da guys march out wit hundreds a guys an tousans a guys.

Job 38:17

Somebody wen show you da gates fo da Mahke Peopo Place, o wat? You wen see da gates fo go inside da dark shadows wea da mahke peopo stay, o wat?

Songs 107:18

Hard fo dem eat even litto bit, Az why dey come Jalike dey litto mo mahke.

Songs 127:5

Any guy dat get plenny boys lidat, He can stay good inside, Jalike one army guy Dat get one bag full a arrows! Bumbye, if get peopo Dat stay agains his kids, An dey poin finga dem In front da town leada guys, Da kids no goin come shame, Cuz dey pono!

Songs 129:2

Da Israel peopo tell, “Az right! From da time us guys Come one nation, All da time peopo Presha us guys plenny! But dey neva ovathrow us!

Songs 69:12

Da guys dat hang out by da town gate, Dey talk any kine bout me. Da piloot guys Even make songs bout me.

Songs 9:13

Eh! You Da One In Charge! Give me chance! Look how da guys dat stay agains me make me suffa! Bring me back up from da Mahke Peopo Place!

Smart Guys 24:7

Da peopo dat do bad kine stuff An dat no bodda dem, No way dey goin undastan Wat da guys dat know wat fo do erytime, tell. Az why, wen dey go by da importan peopo, Dey no mo notting fo tell.

Isaiah 28:16

Cuz dass how you guys tink, Da One In Charge a me tell dis: “Dis, wat I do! I da One goin put one stone on top da Zion hill Wea my Temple stay. One fo shua solid kine stone. Dat stone, jalike da corna block. Dass real importan Fo make da foundation stay solid. An da stone mean dis: ‘Anybody dat trus him, no need worry.’

Isaiah 28:6

Da guys dat get da job fo judge, He goin make dem come So dey fo real kine like judge da right way. Da army guys dat get da job Fo make whoeva like fight dem Go back da town dey come from, He goin make dem fight good.

Isaiah 38:10

Me, dis how I wen figga: “Dis da bestes time a my life, An now I gotta go inside da gate Fo da Mahke Peopo Place, o wat?! Az fo real, o wat, dat God set me up Fo take away da life I get fo live ova hea?!”

Isaiah 54:17

But no matta wat kine tings peopo make Fo fight you guys wit um, Dey no goin win. No matta wat peopo tell in front da judge Wen dey poin finga you guys, You guys goin show proof dey wrong. All dis I goin do fo you guys Cuz me Da One In Charge an you guys work fo me. Dass how I goin show Dat my peopo get um right wit me.” Dass wat Da One In Charge tell.

Jonah 2:6

I go down to wea da mountains stan, On top da ocean bottom. Jalike I go down to da Mahke Peopo Place, Dat get one lock fo keep me inside, An I no can go outside, eva! But you, you da God I pray to, Da One In Charge! You wen bring me up outa da grave, An I alive still yet!

Matthew 10:2

Dis da twelve guys he sen all ova da place: Simon, da one dey call Peter, an Andrew his braddah; James, dass Zebedee boy, an John, dass James braddah;

Matthew 11:23

“ ‘An you guys from Capernaum town, You tink God goin bring you guys up in da sky, o wat? No way! Mo like he goin throw you guys down dea inside Hell.’ “Cuz if I wen do awesome stuff wit my powa fo da Sodom guys jalike I do fo you guys, still yet Sodom town stay hea.

Matthew 18:17

If he no like lissen dem, den go tell all da church guys. An if he no like lissen dem, make to him jalike he from one a da peopos dat donno God, o jalike he one crooked guy dat colleck tax money.

Matthew 4:18

One time Jesus stay walk by Galilee Lake, an he spock two braddahs, Simon da guy dey call Peter, an his braddah Andrew. Dey stay throw net inside da watta, cuz dey fishamen.

Matthew 7:24

“So you know, whoeva hear wat I tell um fo do, an go do um, he jalike one smart guy dat make one plan, den he build his house on top solid rock.

John 1:42

Den he bring Simon to Jesus. Jesus look at um an tell, “You Simon, an yoa faddah John, aah? but not da Baptiza guy. From now peopo goin call you ‘Cefas.’ ” (Dat mean “Peter,” o “Da Rock,” in dea language.)

Jesus Guys 2:47

Dey tell God “Mahalo plenny!” an tell how good he stay. An all da odda peopo talk good bout dem. Ery day Da One In Charge bring odda peopo aroun dat he take outa da bad kine stuff dey do.

Jesus Guys 20:28

Make shua you leada guys live da way God like you fo live. An take kea all da peopo dat da Good An Spesho Spirit give you guys fo take kea. You guys gotta take kea da church guys jalike one sheep guy take kea his sheeps. Cuz Da One In Charge, Jesus, wen bleed an mahke fo make dem come God kids.

Jesus Guys 8:1

Da guy Saul stay dea, an he tink dass good dey kill Stephen. Dat same day Saul guys start fo make all da peopo suffa plenny dat come togedda fo church Jerusalem side. So all da peopo dat trus da Good Stuff From God scatta all ova Judea an Samaria. But da twelve guys Jesus wen sen all ova no go way yet.

1 Corint 15:55

“Da Devil like make us guys mahke, But he wen lose awready! Us no goin cry inside, Cuz da Devil no can wack us guys fo us mahke no moa!”

Galatia 2:9

James, Peter, an John, dey da importan leadas fo da church peopo. Wen dey figga dat God do plenny good stuff fo me, dey shake hands wit me an Barnabas fo show dat all us guys stick togedda. An we all tell da same ting: dey goin go by da Jews, an we goin go by da peopo dass not Jew guys.

Efesus 3:10

But now, God like use his church peopo fo show all da leada guys an all da guys wit powa dat stay inside da sky, dat God know wat fo do bout eryting fo real kine.

Efesus 5:32

How da husban an da wife get love an aloha fo each odda, dass one picha how Christ an da church peopo stay one you know. Was one secret befo time, but now us guys undastan wat da stuff bout Christ an his church peopo mean.

Colosse 1:18

He stay Da One In Charge fo da church peopo, Jalike da head stay in charge a da body. He da One dat wen start eryting. He da firs an da main One dat wen come back afta he wen mahke. Az why he da Numba One Guy fo eryting.

1 Timoty 3:15

Cuz if I no can go right now, den you still goin know how da peopo inside God ohana gotta live. Da God dat stay alive foeva, his ohana, dass da church peopo. Da church peopo, dey make shua dey tell da true stuff God tell. Dey jalike da foundation an da main pos dat stay hold up da building.

1 Timoty 3:5

(Cuz you know, if get one guy dat donno how fo handle his ohana, how he goin take kea God church peopo?!)

Hebrews 12:28

So den, God goin give us guys da right fo come jalike kings wit him. An nobody eva goin take away dat right from us guys. Az why we gotta tell God “Mahalo plenny.” Wen we do dat, we show him all kine love an respeck, cuz we know how awesome he stay.

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”

Jesus Show 21:14

Da wall fo da big town get twelve big kine stone block fo da foundation. On top get da names fo da twelve guys dat Jesus wen sen all ova fo tell peopo bout God Bebe Sheep Guy.