Matthew 15:28 - Hawaii Pidgin Bible

²⁸ Jesus tell her, “Eh, sistah! You trus me fo real kine, aah! Da way you like um, dass how goin be.” An right den an dea, her girl come good.

Matthew 15:28 ပူးပေါင်းရင်းမြစ်များ

Job 13:15

Maybe God goin kill me! Maybe I no mo notting fo wait fo! Still yet, I goin show proof in front him, how come I live da way I live.

Job 23:10

But still yet, he know wat way I pick. Wen he tes me, I goin come jalike pure gold.

Songs 145:19

Fo da peopo dat feel jalike dey sked Wen dey in front Da One In Charge, He do da ting dass Da bestes ting fo dem. Wen dey yell fo him help dem, he lissen, An he get um outa trouble.

Sad Song 3:32

No matta he make us suffa, He goin show aloha an pity too, Cuz he stay real tight wit his peopo!

Matthew 14:31

Right den an dea Jesus put out his hand an grab him, an tell, “How come you trus me ony litto bit? How come you tink you no can do um?”

Matthew 15:27

She tell, “Dass right, Boss. But eh, even da dogs unda da table eat wat fall down from da table, aah?”

Matthew 8:10

Jesus hear dat, an he tell da odda guys dat follow him, “Ho! Dis guy get um! An I like tell you guys dis: no mo no Israel peopo dat trus me lidat!

Matthew 8:13

Den Jesus tell da captain, “Go. Jalike how you stay trus me, dass how goin be fo you now.” Dat same time, da worka guy come good.

Matthew 9:22

Jesus turn aroun, an spock her behind him, an he tell, “Sistah, come strong! You trus me, dass why you come good awready.” An right den an dea she come good.

Mark 5:34

An Jesus tell her, “Sistah, you wen trus me. Dass why you come good. Go now, notting goin bodda you. An you no goin suffa no moa.”

Luke 17:5

Da guys dat Jesus, Da One In Charge, like sen all ova tell him, “Help us guys trus God moa.”

Luke 7:50

Jesus tell da wahine, “Cuz you trus me, God take you outa da bad kine stuff you wen do. Go, an no worries.”

Luke 7:9

Wen Jesus hear dat, his jaw drop, an he tell all da peopo dat stay dea, “Ho! Dis guy get um! No mo no Israel peopo dat trus me lidat!”

2 Tessalonika 1:3

Eh my braddahs an sistahs, we gotta tell God “Mahalo plenny!” erytime cuz a you guys. Az right we do dat, cuz you guys stay trus God plenny mo an moa, an cuz you guys stay show mo an mo love an aloha fo each odda.

1 Samuel 2:30

“ ‘Me, Da One In Charge, da God fo da Israel peopo. Az why I tell you dis: I wen make one promise dat yoa ohana, an yoa ancesta Aaron ohana, goin live in front me foeva. But cuz me Da One In Charge, I tell you dis too: No way goin be how stay now! Cuz da peopo dat show respeck fo me, I goin show respeck fo dem. But da peopo dat make to me jalike I notting, I goin put kahuna on top dem!