Matthew 13:32 - Hawaii Pidgin Bible

³² dat kine seed da mos smalles seed, mo small den all da odda seeds. But wen dat seed grow, da plant come big, mo big den all da odda plants, an come big jalike one tree. Get birds in da sky dat come an make dea nes inside da branches.”

Matthew 13:32 ပူးပေါင်းရင်းမြစ်များ

Songs 104:12

Da birds make nes Inside da trees nea da watta, An sing in da middo A da branches an da leafs.

Ezekiel 31:6

All da birds in da sky make nes inside da branches. All da wild animals born dea bebes undaneat da branches. All da importan nations live Unda da shade a dat tree.

Daniel 4:12

Da tree get leaf dat look real nice an get plenny fruit, Get food enuff fo erybody an eryting in da world. Da wild animals from da boonies Come unda um fo shade. Da birds from da sky Live inside da branches. Eryting dat stay alive Get dea food from dat tree.

Zekariah 4:10

No talk like az no good wen get ony litto bit work dat pau! Peopo goin stay good inside wen dey see Zerubbabel stay work, pulling da string fo make shua da walls line up! (Da seven olive oil lamps on top da lamp stan, dey fo no foget dat Da One In Charge get eyes dat look all ova da world.)”

Mark 4:30

Jesus tell um anodda story. “God, he stay King. Wat story I get fo tell you guys fo you undastan?

Mark 4:32

an da seed grow, da plant come mo big den all da odda plants in da garden. Da branches real big, az how da birds from da sky sit on top um in da shade!”

Luke 13:18

Jesus tell, “How you tink goin come wen God stay king? Wat kine story I gotta tell you guys fo help you undastan um?

Jesus Guys 1:15

Dat time had bout hundred twenny peopo dat trus Jesus. Dey come togedda, an Peter stan up fo talk.

Jesus Guys 21:20

Afta dey hear dat, dey tell, “God, he awesome!” Den dey tell Paul, “Look, braddah, plenny tousan Jew guys trus da Good Stuff Bout Jesus. An dey all stay tight wit all da stuff da Rules tell um fo do.

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”