Matthew 13:21 - Hawaii Pidgin Bible

²¹ But da guy, he no mo deep root. He stay tight wit um fo short time, but wen da odda guys make him suffa cuz he trus da stuff he hear, he give up.

Matthew 13:21 ပူးပေါင်းရင်းမြစ်များ

Job 19:28

“If you guys tell, ‘Us gotta go afta Job an make him lissen! Cuz he da one dat get da blame!’

Songs 36:3

Eryting dat come outa dea mout, no good, an all bulai. Dey no like undastan wat dey stay do, An dey no like do good tings.

Smart Guys 12:12

Da bad kine peopo steal stuff, An odda bad kine peopo steal um from dem. But da good kine peopo make plenny stuff Jalike da root dat make da plant come big.

Smart Guys 12:3

You no can come good If you go do bad kine stuff. If you do da right ting erytime, No way somebody can move you, Az jalike you one root stuck in da groun.

Hosea 6:4

But Da One In Charge tell, “Wat I goin do wit you Efraim peopo? Wat I goin do wit you Judah peopo? Wen you guys tink you stay tight wit me, Az jalike da mist dat disappea morning time. Jalike da dew dat come early an den go way.

Matthew 10:22

Erybody goin hate you guys cuz you my guys. But da guy dat no give up till da hard time pau goin come out okay.

Matthew 11:6

An if da tings I do no bodda you, den you goin feel good inside.”

Matthew 13:20

Da seed dat fall down on top da rocks, dass jalike one guy dat hear da Good Kine Stuff, an he trus wat God tell him right den an dea, an he stay good inside.

Matthew 13:57

Bodda dem, how he stay. But Jesus tell um, “One guy dat talk fo God get choke respeck. But he no mo respeck notting inside his home town an inside his ohana.”

Matthew 13:6

Wen da sun come up, da plants burn, an dry up, cuz no mo deep root.

Matthew 24:13

But whoeva can handle an hang in dea till all dis pau, dey da ones dat goin come out okay.

Matthew 26:31

Ova dea, Jesus tell um, “All you guys goin come bum out cuz you no can handle da shame fo wat goin happen to me tonite. Cuz befo time God tell inside da Bible, ‘I goin kill da sheep guy, an all his sheeps goin scatta all ova da place.’

Matthew 26:33

Peter tell, “Eh, no way, Boss! No matta all da odda guys come bum out an like go way from you, no way I eva goin do dat!”

Mark 4:17

But da guy, he jalike da plant dat no mo deep root inside him. He stick wit um fo one short time. But wen get trouble, o wen da peopo make him suffa cuz he trus da stuff he wen hear, da guy give up right den an dea.

Luke 8:13

Da seeds on top da rocks, dass da peopo dat take wat God tell, an dey stay good inside wen dey hear um. Dey trus God litto bit, but wen get hard time dey pau trus, cuz dey no mo deep root, jalike da seeds on top da rocks.

John 6:26

Jesus tell, “Dass good you guys stay look fo me. But I like tell you guys dis: You guys do um cuz I wen give you guys bread fo eat, an you guys come full. You guys no look fo me cuz I wen do awesome stuff fo show who me.

Rome 2:7

God goin give some peopo da real kine life dat goin stay to da max foeva, cuz erytime dey hang in dea an do da right ting. Dey like get plenny respeck from God, an get da real kine life.

Galatia 5:6

Wen us stay tight wit Jesus Christ, no matta us cut skin o no cut skin, main ting, we gotta trus God, an show plenny love an aloha fo God an odda peopo.

Galatia 6:12

Dem buggahs dat like look good on da outside, dey try fo make you guys cut skin fo come Jews. Dey ony make lidat cuz dey no like suffa fo Christ, da One wen mahke on top da cross.

Galatia 6:15

No matta get cut skin mark, o no get um, main ting, God make da peopo come new inside.

Efesus 3:17

Den Christ goin live inside you guys cuz you guys trus um. I tell God dat I like fo you guys erytime get love an aloha fo God an erybody. An dat kine love goin make you guys come strong jalike da root fo one big tree, an jalike da foundation fo one house.

Philippi 1:6

Dis fo shua: God, he wen start fo do someting real good inside you guys. An garans he goin do um! An he goin stay do um till Jesus Christ come back!

2 Timoty 1:15

You know awready, dat Fygelus, an Hermogenes, an odda guys too from West Asia, wen change dea mind an bag from me.

2 Timoty 4:10

Demas, he wen bag an leave me hea, cuz he wen tink all da stuff inside dis world nowdays mo betta. He wen go Tessalonika side. Cresens, he wen go Galatia side, an Titus, Dalmatia side.

James 3:2

All us guys, we all jam up plenny. But if get one guy dat no jam up eva wen he talk, dat guy stay all grown up inside, an he know how fo take charge a da way he live an no do bad kine stuff.

1 Peter 1:5

You guys trus God, an he get plenny powa fo proteck you guys. He take kea you guys, an he no let nobody hemo you guys from him. Wen da las day come, he goin show how he wen get you guys outa da bad kine stuff you wen do.

Jesus Show 2:13

‘I know da place wea you guys live, cuz jalike Satan stay king ova dea. But still yet you guys stay tight wit me, an no pau trus me. Even da time wen da guys inside yoa town, wea Satan stay, dey wen kill Antipas cuz he erytime tell da trut bout me, still yet you guys trus me.’