Matthew 12:34 - Hawaii Pidgin Bible

³⁴ You guys jalike one snake ohana! You guys no good. How you guys goin talk good wen you guys not good, aah? Wateva stay inside you guys, goin come outa you guys mout.

Matthew 12:34 ပူးပေါင်းရင်းမြစ်များ

Songs 53:1

Inside, da stupid peopo tink, “No mo God!” Dat kine peopo, Dey ony like bus up stuff. An do pilau kine tings, No mo even one a dem Dat do good kine stuff!

Songs 64:3

Dey make ready fo tell Tings dat hurt plenny, Jalike dey stay make dea swords sharp. Dey tink how fo talk bad An make eryting come bad, Jalike dey make ready Fo shoot poison arrows.

Songs 64:5

Dey make one plan fo do bad tings, An dey make shua dey do um. Dey talk story plenny bout how Dey goin put up dea traps. Dey tell, “Nobody goin see us!”

Smart Guys 16:23

Da kine guy dat tink befo he talk, He know wat fo do erytime, An cuz he undastan how come tings happen, He goin tell da right ting. Wen one guy know how fo talk good lidat, Mo plenny peopo goin lissen wat he tell um.

Smart Guys 4:23

Da ting is, you gotta fo real kine make shua An watch out how you tink. Cuz da way you tink, Dass how you goin live fo eryting you do.

Isaiah 32:6

Cuz da stupid kine guys Dat ack jalike God no matta, Dey talk stupid kine stuff. Dey tink plenny bout how fo make trouble. Az why, wateva God like, dey no like um. Az why dey teach Da wrong kine stuff bout Da One In Charge. Az why dey make shua Da hungry guy no get notting fo eat, An dey no let da guy dat stay thirsty Get notting fo drink.

Isaiah 59:14

Oua peopo no let da judges tell Who dey gotta punish. Anybody like tell Bout wass right an wass wrong, Dey make um stay far. Anybody like tell da trut, Dey goin fall down on top da street. Anybody like do wass right, Dey no can even come inside oua town.

Isaiah 59:4

No mo nobody fo tell peopo Dey betta do da right ting. Wen peopo talk in front da judge, Nobody tell um da trut. Dey tink az good, Fo tell stuff dat no mean notting, An talk bout wase time kine stuff, An make trouble, An cuz a dat, bad kine stuff happen. Jalike one wahine come hapai, An cuz a dat, she born one bebe.

Isaiah 9:17

Dass why my Boss No goin feel good bout da young guys, He no goin show pity notting Fo dea widows o dea kids dat no mo faddah o muddah. Cuz all dem peopo ack jalike God no matta to dem, An still stay do bad kine stuff. All dem get pilau mout. An Da One In Charge stay huhu wit da Israel peopo still yet, An he stay ready fo bus um up.

Matthew 12:35

Da good guy, he good inside, an he do good kine stuff. Da bad guy, he bad inside, an he do bad kine stuff.

Matthew 15:18

But wateva come outa da mout, come from inside. Dass wat make you pilau inside so you no can pray.

Matthew 23:33

You guys jalike da poison snakes, an you guys come from one snake ohana! You guys tink God da Judge goin let you guys go? No way! You tink you guys not goin go Hell? No way!

Matthew 3:7

Plenny Pharisee guys an Sadducee guys come fo him baptize dem too. He see um, an tell, “Eh you guys! You guys jalike one snake ohana! God had it wit all da bad kine stuff you do. He goin punish you guys fo dat. No way you guys goin get away!

Luke 3:7

Plenny peopo go ova dea fo John baptize um. He tell, “Eh! You guys no good, jalike one snake ohana! Who tell you guys fo run away from da bad tings dat goin happen? Cuz God had it wit all da bad kine stuff you do. He goin punish you guys fo dat!

Luke 6:45

Da good guy do good kine stuff cuz get good stuff inside him, an da bad guy do bad kine stuff cuz get bad stuff inside him. Da kine stuff somebody get inside goin come out thru da mout by wat da guy tell.

John 8:44

“You guys come from yoa faddah, da Devil! You guys like do da kine stuff he like do. From da start, he like kill peopo. He no like da trut, cuz no mo notting true inside him. He erytime bulai, cuz dass wat he like do. He da firs guy eva wen bulai, cuz dass how he stay.

Efesus 4:29

No go talk pilau kine stuff notting. But wen you talk, tell ony good kine stuff dat goin help da peopo dat lissen fo make um come mo strong inside. Cuz dey need fo hear da kine stuff dass ony good fo dem.

Efesus 5:4

No go talk pilau kine o stupid kine. No make pilau kine joke cuz dat kine talk not good, you know. Mo betta tell da tings God wen do fo you guys. Tell da stuff dat make you guys like tell God “Mahalo plenny!”

James 3:2

All us guys, we all jam up plenny. But if get one guy dat no jam up eva wen he talk, dat guy stay all grown up inside, an he know how fo take charge a da way he live an no do bad kine stuff.

1 John 3:10

Dis wat show who God kids an who Satan kids: whoeva no do wat stay pono, dey not God kids. Whoeva no mo love an aloha fo dea braddah an sistah, dey not God kids too!

1 Samuel 24:13

Jalike da smart peopo wen tell long time befo time, ‘From bad kine peopo come bad kine stuff!’ But I not one bad guy, an no way I goin do someting bad to you.