Matthew 12:18 - Hawaii Pidgin Bible

¹⁸ “Eh, try lissen! Dis da guy dat work fo me. He da guy I wen pick. I get love an aloha fo him, I stay real good inside cuz a him. I goin give him my Spirit, An he goin teach da peopos all ova da world wat stay right.

Matthew 12:18 ပူးပေါင်းရင်းမြစ်များ

Songs 89:19

Eh God! Long time befo time, You wen talk inside one dream, To da peopo dat stay tight wit you. Dis wat you wen tell: “Me, I wen pick one army guy An help him fo come strong. I wen pick one guy from da peopo Fo make him come big.

Isaiah 11:2

Da Spirit from Da One In Charge goin stay in charge a dat guy. Dat Spirit from Da One In Charge Goin make him know wat fo do erytime, An make him undastan plenny stuff. Dat Spirit goin make him know Wass good fo him do ery time, An give him plenny powa. Dat Spirit goin help him know plenny stuff, An get choke respeck fo Da One In Charge.

Isaiah 42:1

Da One In Charge tell, “Dis da guy dat work fo me. I kokua him. He da guy I pick awready. I feel good inside cuz a him. My Spirit stay inside him. He goin do wass right Fo all da peopo inside da diffren countries.

Isaiah 52:13

Da One In Charge tell: “Look! My worka guy, He do wat he suppose to do. He do one good job cuz he know wat he stay do. Peopo goin know he importan. Dey all goin know who him, An show him plenny respeck.

Isaiah 53:11

Afta da guy dat work fo Da One In Charge Work real hard an suffa plenny, He goin see wat happen cuz a all dat, An he goin feel good inside. Da One In Charge tell, “Cuz my worka guy know wat he stay do, An cuz he do da right ting erytime, He goin make plenny peopo Get um right wit me. Az cuz he da one take da blame Fo all da bad kine stuff dose peopo do.

Isaiah 62:2

Da peopo in all da countries goin see All da right kine tings you guys stay do. All da kings goin see Dat you guys stay awesome. You guys goin get one new name. Da One In Charge goin give um to you guys.

Jeremiah 16:19

Me, Jeremiah, I pray lidis: “Eh, you Da One In Charge. You da One make me strong! You give me one strong place fo hide! I can run away dea wen get trouble! All da nations all ova da world goin come by you From da mos far places inside da world. Dey goin tell, ‘Fo shua, oua ancesta guys ony get bulaia kine gods, Idol kine gods dat good fo notting. Da idol kine gods neva help dem.’

Zekariah 3:8

“ ‘Eh Joshua! Lissen up. You da Main Pries Guy! Yoa helpa guys dat stay sit down in front you, dey jalike signs bout da good kine tings dat goin happen bumbye. An bumbye I goin bring my worka guy hea too. He jalike da New Branch dat come out from da Root.

Matthew 12:17

Wen he do dis, dat make um happen jalike Isaiah wen tell. (He da guy dat wen talk fo God long time befo time, you know.) He tell:

Matthew 17:5

Peter still stay talking, an you know wat? Get one bright cloud cova dem. Den, one voice from inside da cloud tell, “Dis my boy! I get plenny love an aloha fo him. I feel real good inside cuz a him. Eh, lissen him!”

Mark 1:11

An wow! Get one voice from da sky tell, “You my boy! I fo real kine get love an aloha fo you, an I stay good inside cuz a you!”

Mark 9:7

Den had one cloud cova dem, an one voice from inside da cloud tell, “Dis my boy. I get plenny love an aloha fo him. Eh, lissen him!”

Luke 23:35

Da peopo stan dea an watch um. Da leada guys fo da Jews make fun a him. Dey tell, “Eh, he wen take da odda guys outa da bad kine stuff dey stay in. If he da Spesho Guy God Wen Sen fo real kine, how come he no can get outa dis now?!”

Luke 3:22

an da Good An Spesho Spirit come down on top Jesus. Can see da Spirit dat time, look jalike one dove. An wow! Get one voice from da sky tell, “You my Boy. I fo real kine get love an aloha fo you, an I stay good inside cuz a you.”

Luke 4:18

“Da Good An Spesho Spirit from Da One In Charge stay in charge a me, Dass why he sen me fo teach da peopo dat no mo notting Da Good Kine Stuff From God. He sen me fo tell da prisona guys Fo dem come free now. An tell da peopo dat no can see, Fo dem see now, An tell da peopo Dat dey no goin suffa no mo From da guys dat make any kine to dem,

Luke 9:35

Den one voice from inside da cloud tell, “Dis my boy, da One I wen sen. Lissen up wat he tell!”

John 3:34

Da Guy God Wen Sen tell wat God tell, cuz God no hold back wen God give him his Spirit.

Jesus Guys 10:38

An God give Jesus from Nazaret his Good An Spesho Spirit an powa. Jesus go all ova da place, an do da good kine stuff. Da Devil take charge a plenny sick peopo wit his powa, but Jesus even make dem all come good. Jesus do dat cuz God stay wit him.

Jesus Guys 11:18

“Wen dey hear dat, dey pau squawk, an dey tell how awesome God stay. Dey tell, ‘Wow! God even let da peopo dass not Jew guys come sorry fo all da bad kine stuff dey wen do, fo dem get da real kine life too!’ ”

Jesus Guys 14:27

Wen dey come ova dea, dey tell all da church peopo fo come togedda, an dey tell um all da stuff God help um fo do, an how God let da peopo dass not Jew guys trus da Good Stuff too.

Efesus 1:6

God like his kids fo tell how awesome all da good kine tings he stay do fo us. God do good tings fo us cuz we stay tight wit Christ, an God get plenny love an aloha fo Christ.

Colosse 1:1

Dis letta fo all da peopo dat stay spesho fo God, all da braddahs an sistahs inside Colosse dat trus Christ an stay tight wit him. Dis letta from me, Paul, an from braddah Timoty too. I one a da messenja guys Jesus Christ wen sen all ova fo tell erybody wat God tell cuz dass wat God like. I like God oua Faddah do plenny fo you guys an make you stay so notting bodda you.

1 Peter 2:4

Stay tight wit Christ. He jalike da main stone da builda guys wen throw out, but den God still wen pick him. He stay alive foeva an God tell he worth plenny!

2 Peter 1:17

Had one time us guys was wit Jesus, ova dea on top dat mountain dat stay spesho fo God. An God da Faddah wen tell how spesho an awesome Jesus. Dat time, Jesus wen hear one voice dat come outa da Awesome Place up dea inside da sky. God tell, “Dis my Boy! I get love an aloha fo him. He make me feel real good inside!” An us guys wen hear dat voice too dat come outa da sky.