Matthew 11:29 - Hawaii Pidgin Bible

²⁹ Jalike da cows get yoke on top dem fo pull dea load, you guys put my yoke on top you. Learn fo do wat I stay teach you. I stay gentle kine an I like take kea odda peopo befo I take kea me, fo notting bodda you guys.

Matthew 11:29 ပူးပေါင်းရင်းမြစ်များ

2 Records 10:11

Yeah, my faddah wen make you guys bus ass, jalike he wen put one heavy yoke on you guys. Now me, I goin make you guys bus ass even moa! My faddah wen use whips fo teach you guys wat you gotta do. I goin use scorpions fo teach you!’ ”

Songs 116:7

I know notting can bodda me No moa, Cuz Da One In Charge Wen do good tings fo me.

Songs 131:1

Eh! You Da One In Charge! I no mo one big head, I no ack high makamaka. I no try fo do big kine tings, O tings dat stay so awesome I no can handle.

Smart Guys 3:17

Wen you know wat fo do, Eryting goin come all nice fo you, An eryting go good fo you.

Isaiah 28:12

Jalike he wen tell um befo time, “Dis da place fo res. Da guys dat tired can res ova hea. Dis wea you guys can sleep.” But dey no like lissen.

Isaiah 29:19

Da peopo dat no need be numba one all da time Dey stay feel good inside one mo time Cuz dey stay tight wit Da One In Charge. Da peopo dat no mo notting goin dance an sing Cuz dey stay tight Wit da God fo da Israel peopo, Da One dat stay good an spesho.

Jeremiah 6:16

Dis wat Da One In Charge tell his peopo: “Stop wen you get to da place wea two roads come togedda an look. Aks bout da ol trails, How peopo wen live befo time. Aks bout how fo find da good way. Den go live dat way! Dass how you guys goin learn how fo live fo no mo notting bodda you. But you guys tell, ‘Us no like live dat way!’

Zekariah 9:9

Stay good inside, my Zion peopo! Yell, my Jerusalem peopo! Look! Yoa king stay come by you! He erytime do da right ting. He get you guys outa trouble! He make nice kine to erybody, An stay ride on top one donkey, even one young donkey.

Census 12:3

(You gotta know dat dis Moses guy erytime make um so he come las, mo den all da odda peopo on top da earth.)

Matthew 17:5

Peter still stay talking, an you know wat? Get one bright cloud cova dem. Den, one voice from inside da cloud tell, “Dis my boy! I get plenny love an aloha fo him. I feel real good inside cuz a him. Eh, lissen him!”

Matthew 21:5

“Go tell Zion town, Eh, look! Yoa King stay come by you, He make nice kine to erybody, He stay ride on top one donkey, Even one real young donkey.”

Matthew 28:20

Teach um how fo do eryting I wen tell you guys fo do. An you know wat? I goin stay tight wit you guys ery day, till da world come pau.”

Matthew 7:24

“So you know, whoeva hear wat I tell um fo do, an go do um, he jalike one smart guy dat make one plan, den he build his house on top solid rock.

Luke 8:35

All da peopo come fo look. Wen dey come by Jesus, dey spock da guy, an he no mo da bad kine spirits now. He stay sit by Jesus feet wit clotheses on, an he tink good stuff now. An all da peopo come real sked.

John 13:15

I wen show you guys wat fo do, cuz jalike I wen do fo you guys, you guys suppose to do too.

John 13:17

You guys know all dis stuffs. So, if you guys do um, you guys goin stay good inside.

Jesus Guys 7:37

Moses, he da same guy dat tell da Israel peopo layta, ‘God goin sen one Guy fo you dat goin talk fo him, jalike he wen sen me. An dat one goin come from you guys ohana.’

1 Corint 9:21

Fo da peopo dat donno da Rules From God, I wen come jalike dem fo bring to God da peopo dat donno da Rules From God. (Dat no mean, dat I no stay do wat da Rules From God tell me fo do, you know. I Christ Guy, an dass how come I stay do wat da Rules From God tell.)

2 Corint 10:1

Dis yoa braddah Paul stay talking. You guys tink I shame fo talk strait wen I stay wit you guys? But I no shame fo talk strait wen I stay one far place. Eh, I stay tell you guys fo lissen me, cuz Christ get one good heart fo you guys, an he give you guys chance.

2 Corint 10:5

Eryting dey put up high fo stan agains anybody dat like know God, us goin teach dem guys fo tink an undastan diffren kine. Dass jalike us capcha wat dey tink fo make um come da way Christ like us fo tink an undastan stuff.

Philippi 2:5

All you guys, figga lidis, jalike Jesus Christ.

1 Tessalonika 4:2

You guys know awready da stuff we wen tell you guys fo do. We wen tell you guys dat, cuz Jesus Da One In Charge wen tell us fo do dat.

2 Tessalonika 1:8

Goin get one big fire dat time. God goin punish da peopo dat donno him, an no like lissen da Good Stuff Bout Da One In Charge a us guys, dass Jesus.

Hebrews 5:9

Christ wen come perfeck, an now he da One dat take all da peopo dat lissen him outa da bad kine stuff dey stay do. An he help um stay perfeck lidat foeva.

1 John 2:6

Whoeva tell dey stay tight wit God, dey gotta live jalike Jesus wen live!