Matthew 10:30 - Hawaii Pidgin Bible

³⁰ Yoa Faddah, he even know how much hairs you get on top yoa head!

Matthew 10:30 ပူးပေါင်းရင်းမြစ်များ

2 Samuel 14:11

She tell, “Den I like you, da king, make one strong promise in front yoa God, Da One In Charge, bout da guy from oua ohana dat suppose to pay back da one dat wen kill my odda boy fo da ohana, so he no can cut out dis boy blood line too. Cuz he like wipe out my ony boy.” David tell, “Jalike fo shua Da One In Charge stay alive, I stay shua yoa boy no goin lose even one hair!”

1 Kings 1:52

Solomon tell, “Go tell Adonijah, ‘If you come one guy I can trus, I no goin do notting fo make even one hair from yoa head fall on top da groun cuz a me. But if I hear anyting bad bout you, you goin mahke.’ ”

Luke 12:7

God, he even know how much hairs you get on top yoa head. Fo him, you guys no need come sked, cuz you worth mo den plenny sparrows.

Luke 21:18

But dey no goin hurt you guys. You guys no goin lose even one hair from yoa head!

Jesus Guys 27:34

Now I beg you guys fo eat someting. You need um fo stay alive. You guys no goin lose even one hair from yoa head.”

1 Samuel 14:45

But da army guys tell Saul, “Wat you mean, Jonathan gotta mahke?! No way! He da one wen get us Israel guys outa trouble from da Filisha guys, big time! Jalike fo shua Da One In Charge stay alive, us guys stay shua too, dat not even one hair from Jonathan head goin fall on top da groun. Cuz God wen help Jonathan get all us guys outa trouble today!” So dass how da army guys get Jonathan outa trouble fo him no mahke.