Matthew 10:26 - Hawaii Pidgin Bible

²⁶ “No sked dem. Da tings dey cova an hide, erybody goin know an see um.

Matthew 10:26 ပူးပေါင်းရင်းမြစ်များ

Smart Guys 10:9

Da peopo dat erytime do stuff da right way, Dey no need worry, notting bad goin happen to dem. Da peopo dat like make eryting come jam up, Erybody goin know how dey stay fo real kine.

Smart Guys 28:1

Da bad guys, dey run away Jalike somebody stay chase um, No matta no mo nobody chase um. But da peopo dat stay do wass right, Dey stay shua dey stay okay, Jalike one lion dat no sked notting.

Smart Guys 29:25

Anybody stay sked an shaking Cuz a how dey tink odda peopo tink bout dem, Az jalike one trap dat catch da guy dat stay sked. But anybody stay trus Da One In Charge, Da One In Charge goin make shua notting hurt dem.

Teacha 12:14

Erybody gotta go in front God da Judge bout eryting dey wen do, Even all da stuff dey try hide, no matta good o bad.

Isaiah 41:10

So no sked, Cuz you guys da one I stay wit. No come bum out, Cuz I yoa God. I make you guys come strong inside. Mo den dat, I help you guys. I no let you guys fall down! Az cuz I get plenny powa Fo do da right ting fo you guys.

Isaiah 41:14

“No sked, you Jacob guys, No matta you no mo powa, jalike one worm. No sked, you Israel guys! I da One goin help you!” Az da spesho message from Da One In Charge, Da Good An Spesho God fo da Israel peopo, Da One dat pay da price Fo get you guys outa trouble.

Jeremiah 1:8

An no sked a dem wen you go in front dem! Cuz I stay tight wit you, an I goin get you outa trouble. I Da One In Charge, an dass wat I tell you!”

Ezekiel 2:6

“An you, Fo Real Kine Guy. No sked dem, no sked wat dey tell. No sked, no matta da peopo all aroun you stay jalike thorns an stickas, an stay jalike scorpions undaneat you. No sked dem. Neva mind wat dey tell, an no matta dea whole ohana go agains me.

Matthew 10:28

No sked da guys dat can make yoa body mahke, but no can make yoa spirit mahke. But you guys betta come sked a God. He can make yoa body an yoa spirit get cut off from God foeva inside Hell.

Mark 4:22

Kay den, wateva you no undastan now, you goin undastan bumbye.

Luke 24:47

Afta dat, his guys goin teach all da diffren peopos inside da whole world bout da Christ Guy, da Spesho Guy God Wen Sen. Dey goin tell da peopos dey gotta come sorry fo all da bad kine stuff dey stay do, an no do um no moa. So den, God goin let go da peopos an hemo dea shame fo all da bad kine stuff dey wen do. His guys goin go teach lidat cuz dey his guys an dey get his powa, an dey goin start Jerusalem side.’

Luke 8:17

Cuz eryting dat stay hide, bumbye God goin show um, an eryting dass hard fo undastan he goin make um mo easy fo da peopo undastan um.

Jesus Guys 1:8

But you guys goin get spesho kine powa wen da Good An Spesho Spirit take charge a you. An den you guys goin tell da peopo in Jerusalem wat you know bout me, an same ting fo da peopo all ova Judea, Samaria, an all ova da world.”

Jesus Guys 4:13

Da leadas see dat Peter an John talk wit powa an dey not sked. An da leadas know dat Peter an John jus regula guys dat neva go school fo learn, an dat blow dea mind. An dey know dat dese guys, dey wen hang out wit Jesus.

Jesus Guys 4:19

But Peter an John tell, “You guys go figga wat God figga: You figga az mo betta fo do wat you guys tell peopo fo do, o mo betta fo do wat God tell peopo fo do?

1 Corint 4:5

So, no make jalike you guys da judge fo odda peopo. Wait till Da One In Charge come back. He da One goin bring out in da light all da bad kine stuff da peopo try hide in da dark. He goin show all da tings dat dey tink inside dem. Den God goin talk good bout da good tings erybody do.

1 Peter 3:14

But no matta you suffa plenny fo da right ting, God goin do good stuff fo you. No sked da same tings dat make odda peopo come sked, an no worry.