Matthew 10:22 - Hawaii Pidgin Bible

²² Erybody goin hate you guys cuz you my guys. But da guy dat no give up till da hard time pau goin come out okay.

Matthew 10:22 ပူးပေါင်းရင်းမြစ်များ

Smart Guys 29:27

Da peopo dat stay do wass right, Dey tink az pilau, wen peopo do wass wrong. Da bad kine peopo, Dey tink az pilau, wen peopo live da right way!

Matthew 10:39

Whoeva try hang on to his life goin lose um. An whoeva give up his life cuz he my guy, goin live fo real kine.

Matthew 24:13

But whoeva can handle an hang in dea till all dis pau, dey da ones dat goin come out okay.

Matthew 24:9

“Dat time, peopo goin set you guys up an make you guys suffa, an dey goin kill you guys. All da diffren kine peopos all ova da world goin hate you guys cuz you stay my guys.

Matthew 5:11

“You guys goin stay good inside wen peopo tell you guys you good fo notting, an make you suffa, an tell all kine bad kine stuff bout you az not true. Peopo do all dat cuz you my guys.

Mark 13:13

Erybody goin hate you cuz you my guys. But whoeva hang in dea to da end, dey goin come out good.

Luke 21:17

Erybody goin hate you guys cuz dey know you my guys.

Luke 21:19

If you guys hang in dea to da end, you guys goin get da kine life dass fo real!

Luke 6:22

“You guys can stay good inside wen da peopo hate you, an throw you out, an talk harsh kine to you, an tell you no good cuz a me, da Fo Real Kine Guy!

Luke 8:15

But ho! Da seeds dat fall down inside da good dirt, dass jalike da peopo dat hear wat God tell. Dey get one good heart, do da right ting, an no give up. Dey jalike da seeds dat give good kine wheat.”

John 17:14

I tell dem wat you wen tell. Da peopo hea inside dis world hate my peopo. Az cuz my peopo no do same same jalike da odda peopo inside dis world do. An me too, I no do same same ting dey do.

John 7:7

Da peopo inside da world, dey no goin hate you guys. But dey hate me, cuz I tell um dat da kine stuff dey stay do, az real bad kine stuff!

Jesus Guys 9:16

An I goin show him how plenny he goin suffa cuz he my guy.”

Rome 2:7

God goin give some peopo da real kine life dat goin stay to da max foeva, cuz erytime dey hang in dea an do da right ting. Dey like get plenny respeck from God, an get da real kine life.

2 Corint 4:11

Ery day, us guys dat stay alive, we almos mahke cuz us guys Jesus guys. An dis way erybody see dat Jesus give us da real kine life, an us guys show um in oua bodies no matta oua bodies goin mahke bumbye.

Galatia 6:9

We gotta hang in dea, an no get wore out fo do good kine stuff. Cuz bumbye us goin get wat us work fo, if we no give up.

Hebrews 3:14

You know, God make all us guys stay tight wit Christ. But we gotta hang in dea an go all out fo trus God, jalike wen we wen trus him da firs time.

Hebrews 6:11

Same ting, now we like all you guys fo show dat you guys go all out jalike befo time. Den you guys goin hang in dea fo shua, an know fo shua dat God goin do eryting he wen promise fo do.

James 1:12

Wen one guy hang in dea, no matta he get presha fo do someting bad, he can stay good inside. He goin get da kine life dat God wen promise to da peopo dat get love an aloha fo him. Dass jalike God give him da prize, cuz he wen fight da bad kine stuff, an win!

1 John 3:13

My braddahs an sistahs, wen da peopo inside dis world hate you guys, az okay, no let dat bodda you.

Jesus Show 2:10

No sked da stuff you guys goin suffa. You know, da Devil goin set up some a you guys fo go prison, fo try make you guys give up, an you guys goin suffa dea ten days. Hang in dea an trus God, even if dey kill you guys. Cuz I goin give you guys da winna prize—da kine life dass fo real!’

Jesus Show 2:17

“If you guys can hear dis, you betta lissen, an go do wat God Spirit stay tell da church peopo fo do!” Erybody dat fight an win ova da bad kine stuff, I goin give um some a da manna kine bread fo eat Dat God wen hide fo dem befo time. An I goin give um one white stone Wit one new name Dat God wen write on top um. Da guy dat get dat name, He da ony one goin know um.

Jesus Show 2:26

Erybody dat fight an win ova da bad kine stuff, An do wat I like um fo do till da end, I goin give um da right Fo be in charge a da diffren peopos All ova da world.

Jesus Show 2:3

You guys hang in dea, an no matta you guys suffa plenny cuz you my guys, still yet, you guys no give up.

Jesus Show 2:7

“If you guys can hear dis, you betta lissen, an go do wat God Spirit stay tell da church peopo fo do!” Erybody dat fight an win ova da bad kine stuff, I goin give um da right fo eat from da tree Dat make peopo come alive fo real, Dat stay inside God Beautiful Place.

Jesus Show 3:21

Whoeva fight an win, I goin give dem da right Fo sit by me wea I stay on top my throne. Jalike me, I win awready, An now I stay sit down by my Faddah Wea he stay on top his throne.