Matthew 1:20 - Hawaii Pidgin Bible

²⁰ But wen he stay figga lidat, right den an dea, wen he stay dreaming, one angel messenja guy from Da One In Charge come by him. Da angel guy tell, “Eh Joseph! You from King David ohana. No sked take Mary fo come yoa wife, cuz she hapai from God Spirit dat stay good an spesho.

Matthew 1:20 ပူးပေါင်းရင်းမြစ်များ

Start 31:11

“Den, inside da dream, one angel messenja guy from God tell me, ‘Eh Jacob!’ I tell um, ‘Yeah, dass me!’

Start 46:3

God tell um, “Dis me, God, da same God yoa faddah wen pray to befo time. No sked go Egypt side. Wen you stay dea, I goin make da peopo dat goin come from you, come real rich an importan kine peopo.

1 Kings 17:13

Elijah tell her, “Eh, no sked! Go home. Make da bread jalike you wen tell you goin do. But da firs ting I like you fo do, go make one small roun bread from wat you get fo me. Bring um out hea. Den, make da res fo you an yoa boy.

1 Kings 3:5

Wen King Solomon stay Gibeon side, Da One In Charge show up fo Solomon see um inside one dream, one nite wen Solomon stay sleep. God tell um, “Wateva you like me give you, you aks me.”

Songs 119:125

I yoa worka guy. Az why I tell, help me fo undastan, Fo me learn da tings you teach.

Songs 143:8

Ery day, morning time, I like hear from you Bout how you stay tight wit me, Cuz I stay trus you fo eryting inside. Let me know da way I suppose to go, Cuz you da One fo me talk to.

Songs 94:19

Wen I tink bout tings Dat bodda me plenny, You make me feel shua Notting bad goin happen. Cuz a dat, I stay feel real good inside!

Smart Guys 12:5

Wen da peopo dat do wass right make plan, Dey make shua, az not goin hurt nobody. Wen da bad kine peopo try tell you wass good fo you do, Dey ony trying fo trick you.

Isaiah 26:3

Da One In Charge, you take kea Whoevas stay shua bout wat dey tink. Az why dey no mo worries Cuz dey trus you.

Isaiah 30:21

Den, even if you go da wrong way, Jalike you leave da road An go da right side o da lef side, You goin hear somebody behind you tell, “Eh! Da right way stay ova hea! Go dat way!”

Isaiah 51:7

“ ‘Lissen to me, you guys dat know wass right. You peopo dat get my Rules inside you, No sked if peopo try fo make you guys shame! No lose fight if dey talk any kine to you guys!

Isaiah 7:13

Den Isaiah tell, “Lissen, you peopo dat come from David ohana. Not enuff you guys try fo make odda peopo come piss off wit you. Now you stay trying fo make my God come piss off wit you too!

Isaiah 7:2

Somebody tell da David ohana guys Judah side, “Da Aram army guys wen go by da Efraim ohana land inside Israel an stay make camp all ova da place wit da Israel guys.” So Ahaz an his peopo, dey come real sked inside. Dey stay shake jalike how da trees shake inside one fores wen da wind blow um.

Jeremiah 31:22

How long you guys goin wait An donno wea you stay going Befo you make up yoa mind?! You Israel guys jalike da daughtah dat I love, Dat befo time, wen ack Jalike one wahine dat no stay tight wit her husban. Az how me, Da One In Charge, goin do one new ting on top da earth fo change eryting— Jalike if da wahines wen take kea da guys.”

Jeremiah 33:26

An jalike I neva broke dat deal, I no goin broke my deal bout da Jacob ohana, o da peopo dat goin come from my worka guy David! Fo shua I goin pick guys dat come from him, fo stay king fo da peopo dat come from Abraham, Isaac, an Jacob. Az cuz I goin bring um back from prison, an I get love an pity fo dem.”

Jeremiah 40:9

Gedaliah, Ahikam boy an Shefan grankid, make one spesho promise fo all da army guys, fo make shua dat dey an dea guys know dis: “No worry! No sked fo work fo da Babylon guys. Stay hea inside da land, an work fo da Babylon king, an eryting goin come good fo you guys.

Joel 2:28

An afta dat, I goin make my Spirit take charge all da peopo. Yoa boys an girls goin talk fo me. Yoa ol guys goin dream plenny dream. Yoa young guys goin see spesho tings jalike dreams.

Census 12:6

He tell, “Lissen wat I tell! ‘If get one a you guys Dat talk to yoa peopo fo me, Da One In Charge, Da way I make dat guy know az me, I make him see someting. I talk to him in his dreams.

Matthew 1:18

Befo Mary born Jesus, da Spesho Guy God Wen Sen, dis happen. Mary, she make ready fo marry Joseph. But befo dey marry, da Good An Spesho Spirit make her get hapai.

Matthew 2:12

Afta dat dey get one dream from God. He tell um, “You guys betta not go back by King Herod.” So dey go home one diffren way.

Matthew 2:13

Afta da guys dat know plenny bout da stars go home, you know wat? Had one angel guy from Da One In Charge come by Joseph, wen he stay dream. Da angel guy tell him, “Eh Joseph! Wake up! Take yoa boy an his muddah, an go run Egypt side. Stay ova dea till I tell you fo come back. King Herod, he goin look fo da boy fo kill um dass why.”

Matthew 2:19

Bumbye, King Herod mahke. One angel messenja guy from Da One In Charge come by Joseph wen he stay dream ova dea Egypt side. Da angel guy tell him,

Matthew 2:22

But he hear dat Arkelaus come king Judea side afta his faddah Herod mahke. Joseph sked fo go ova dea. God tell him inside one dream, “You betta not go ova dea.” So he go Galilee side,

Matthew 27:19

Pilate still stay sit on top da judge chair, an his wife sen somebody by him fo tell, “No bodda wit dat Jesus guy cuz he neva do notting bad. I wen suffa plenny inside one dream cuz a him!”

Matthew 28:5

Da angel guy tell da wahines, “Eh, no sked! I know you guys stay look fo Jesus, da guy dey wen kill on top da cross.

Luke 1:19

Da angel guy tell, “Me Gabriel, da one dat stan in front God, an he wen sen me fo tell you dis good stuff.

Luke 2:4

So Joseph go from Nazaret town Galilee side, to Betlehem Judea side. Az King David town, cuz he come from King David ohana.

Jesus Guys 5:19

But nite time one angel messenja guy from Da One In Charge open da jail door, an bring dem outside.

Jesus Show 19:7

Now we can feel good inside, An dance an sing, An tell how awesome he stay! “Cuz now, get da big luau Fo God Bebe Sheep Guy! Jesus goin take his peopo fo be wit him, An dey stay ready fo stay wit him, Jalike wen da groom marry his bride An she stay ready fo him.”

Local Leadas 13:3

One angel messenja guy from Da One In Charge show up by her an tell, “Till now, you no get hapai, but you goin get hapai an born one boy.