Mark 9:47 - Hawaii Pidgin Bible

^47-48 If yoa eye make you do bad kine stuff, pull um out! Mo betta you get God fo yoa king, no matta no mo eye, den you get two eyes an go Hell, wea da fire no pio, an da worm no mahke, eva!

Mark 9:47 ပူးပေါင်းရင်းမြစ်များ

Start 3:6

Da wahine wen look da tree an tink da tree look real good fo get food. She eye up da fruit, an tink, “Ho! Nice looking, da tree! If I take some a da fruits an eat um, I goin come smart an can undastan any kine!” Den she take some a da fruits an eat um. She give um to her husban too, an he eat um wit her.

Job 31:1

“I wen make one strong promise, Dat no ways I goin check out any young wahine an like sleep wit her,

Songs 119:37

Make shua I no even like look At da wase time kine tings. Give me da real kine life, Da way you wen promise fo do.

Matthew 18:9

If yoa eye make you do bad kine stuff, pull um out an throw um away! Mo betta you live foeva wit one eye. No good you get two eyes an dey throw you inside Hell wea get plenny fire.”

Matthew 5:22

But I tell you guys dis: Whoeva stay huhu wit his braddah gotta come in front da judge. Whoeva tell his braddah, ‘You no good!’ gotta come in front da main leadas. But whoeva tell, ‘You stupid an good fo notting!’ gotta go to da Hell fire.

Mark 9:43

If yoa hand make you do bad kine stuff, cut um off! Mo betta you live to da max foeva, no matta no mo hand, den you get two hands an go Hell, wea da fire no pio, an da worm no mahke, eva!

Luke 14:26

“Whoeva come by me, an get mo love an aloha fo dea faddah an muddah, dea wife an kids, dea braddahs an sistahs—an even fo ony dem, if az mo den dey get love an aloha fo me, dey no can be my guy.

John 3:3

Jesus tell him, “Dass right! An I tell you dis too: Whoeva not born one mo time God new way, dey no goin get God fo dea king.”

John 3:5

Jesus tell him, “Dass right! An I tell you dis too: Whoeva not born one mo time from watta an from God Spirit, dey no can get God fo dea king.

Galatia 4:15

Wat wen happen you guys? Dat time you guys wen stay real good inside bout me. I like tell erybody dat you guys wen even like pull out yoa eyes fo give um to me if can.