Mark 9:42 - Hawaii Pidgin Bible

⁴² “Dese small kids hea, dey trus me! If somebody make um pau trus me an do bad kine stuff, mo betta take one big stoneg from da mill, an tie um aroun da guy neck, den throw him inside da ocean fo drown!

Mark 9:42 ပူးပေါင်းရင်းမြစ်များ

Matthew 17:27

But if us guys no pay um, da tax guys goin tink bad bout us guys. Az why, go by da lake, an drop one line inside da watta. Da firs fish you catch, open da mout. You goin find one silva coin inside. Take dat coin to da tax guys. Dat goin be enuff fo me an you.”

Matthew 18:10

Jesus tell, “Watch out dat you guys no figga you mo betta den one a dese small kids hea. I tell you guys, dey get spesho angel guys inside da sky dat can talk to my Faddah up dea, any time dey like.

Matthew 18:6

Den Jesus tell, “Dese small kids hea, dey trus me! If somebody try make um fo dem no like trus me no moa, mo betta take one mangus heavy stone from da mill, an tie um aroun da guy, den throw him in da deep watta fo drown!

Jesus Guys 9:4

He fall down on top da groun an hear one voice tell him, “Eh Saul! Saul! How come you make me suffa?”

Rome 14:13

So pau awready poin finga da odda peopo. Mo betta tink lidis: no good we do tings dat goin make oua braddahs an sistahs come jam up. No good we try fo trip um up an make um fall down an do bad kine stuff.

Rome 15:21

Jalike da Bible tell befo time, “Da peopo dat neva have nobody fo tell um bout God, Dey da peopo dat goin see him. Da peopo dat neva hear notting befo time, Dey da ones goin undastan.”

Rome 16:17

My braddahs an sistahs, I get one mo ting fo tell you guys: Watch out fo da kine peopo dat try hard fo make you guys go agains each odda fo split you up, an try fo make you guys do bad kine tings! Da stuff dey tell you guys stay agains da tings us guys wen teach you. So, no go hang aroun dat kine peopo!

2 Corint 6:3

Da way us guys live, us no like trip peopo up an make um fall down fo nobody talk bad bout da tings we do fo God.

Philippi 1:10

Den dey can pick da bestes kine stuff, an tell ‘Laytas’ to da junk kine stuff! Dey do dat fo erybody see dat dey fo real. Den nobody goin poin finga dem, from now till wen Christ come back!

1 Timoty 5:14

Az why I figga, mo betta fo da younga widows marry one mo time, an get kids, an take kea dea ohana. Den da peopo dat stay agains us no can talk stink.

2 Peter 2:2

Still yet, goin get plenny peopo dat goin follow dem an make any kine, an dey no shame. Da way dem guys ack, dey goin make peopo talk bad bout da true stuff us guys teach.