Mark 8:33 - Hawaii Pidgin Bible

³³ But Jesus turn aroun, look at his guys, an scold Peter. He tell, “Get outa my way. You stay ack jalike Satan! You tink jalike da peopo tink, not jalike God tink.”

Mark 8:33 ပူးပေါင်းရင်းမြစ်များ

2 Samuel 19:22

But David tell Abishai, “Aah, you guys, Zeruiah my sistah boys! Erytime, you guys no tink same same wit me! Today you ack jalike da guys dat go agains me! You tink today one good time fo kill one Israel guy, o wat?! No way! You tink I donno dat today, I da one stay king ova all da Israel peopo fo real kine!”

Job 2:10

He tell her, “You talk jalike one stupid wahine! You tink us goin get ony good kine stuff from God, an no mo bad tings too, o wat?!” Wen all dis stay happen, Job no tell notting bad.

Songs 141:5

If da peopo dat stay do wass right Slap my head, Dat show dey my frenz Dat stay tight wit me! If dey tell wat I do stay wrong, Dass good, jalike dey put Da bestes kine haku lei On top my head! All da time I stay pray Dat da bad guys no can do notting.

Prieses 19:17

“No hate yoa braddah. Wen anodda guy do someting wrong, tell um az wrong fo real kine, fo you no get da blame wit him.

Matthew 15:23

But Jesus neva tell notting. Den his guys come an beg him, “Eh, make her go way, cuz she stay follow us an stay yelling.”

Matthew 16:23

But Jesus turn aroun an tell Peter, “Eh, get outa my face! You stay talking jalike Satan! You ony stay trying fo jam me up. Cuz you tink jalike da peopo tink, not jalike God tink.”

Matthew 4:10

Jesus tell him, “Beat it awready, Satan! Da Bible befo time tell, “ ‘Gotta go down on yoa knees An show plenny respeck to God, Da One In Charge, An live an work ony fo him.’ ”

Mark 3:34

He look all da guys dat stay sit aroun him, an tell, “Look! Hea, dese guys my muddah! An dese guys, dey my braddahs an sistahs, fo real kine!

Mark 3:5

Jesus look at all da peopo real good. He stay real huhu. Same time, he feel sad cuz dey hard head. Den he tell da guy, “Stick out yoa hand.” An da guy stick um out, an da hand come good.

Luke 22:61

Jesus, Da One In Charge, wen turn an look at Peter. Den Peter no foget wat Da One In Charge wen tell him, “Befo da roosta crow tonite, you goin tell three time you donno me.”

Luke 4:8

Jesus tell him, “No ways! Cuz da Bible tell befo time, “ ‘Gotta go down on yoa knees An show plenny respeck to God Da One In Charge a you, An live an work ony fo him.’ ”

Luke 9:55

But Jesus turn aroun an scold James an John.

1 Corint 5:5

Den, hand dis guy ova to Satan fo da guy see how stay wit Satan in charge an da guy do wass bad. Da guy goin change his mind. Den wen Jesus, Da One In Charge, come back, da guy spirit goin come out safe.

Philippi 3:19

Dem guys, bumbye dey goin come wipe out. Dey ony live fo eat. Dey do shame kine stuff all da time, an dey talk real big wen dey make lidat. Dey da guys dat ony like tink bout da kine stuff from dis world.

1 Timoty 5:20

Anybody dat still yet stay do bad kine stuff, tell wat dey do in front all da odda church peopo. Tell um dis: “Wat you guys stay do, az wrong!” Den all da oddas goin come sked fo ack jalike dem.

Titus 1:13

Az right. So da guys dat like jam up erybody, you scold um real good, fo dem trus God da right way.

1 Peter 4:1

Cuz Christ get one body jalike us, he wen suffa plenny in his body. An you guys, get ready fo suffa too jalike Christ. Whoeva suffa lidat, dey no goin do bad kine stuff no moa.

1 John 2:15

No get love an aloha fo da bad kine stuff dat get inside dis world. If anybody get love an aloha fo da bad kine stuff in dis world, den dey no mo love an aloha fo da Faddah.

Jesus Show 3:19

Erybody I get love an aloha fo, I show um wea dey no do da right ting, an I help um fo do da right ting. Az why you guys gotta wise up an come sorry fo all da bad kine stuff you do, an no do da bad kine stuff no moa.