Mark 8:31 - Hawaii Pidgin Bible

³¹ Den Jesus start fo teach his guys. He tell, “I Da Fo Real Kine Guy, you know, an I gotta suffa plenny. All da older leadas, da Main Pries guys, an da teacha guys dat teach da Rules From God, dey goin figga I not fo real, an dey goin kill me fo dat. But I goin come back alive afta three days.”

Mark 8:31 ပူးပေါင်းရင်းမြစ်များ

Songs 118:22

Da peopo tell: “Had one big rock. Da builda guys tell, ‘Dis rock, no good!’ But afta, dass da rock dey wen put Fo da main corna block.”

Isaiah 53:3

Peopo make to him jalike he notting. Dey no let him do notting wit dem. He one guy dat stay sad inside, An he know how feel fo suffa plenny. Peopo turn aroun an look da odda way Cuz dey no like see him. Dey make to him jalike he nobody, An nobody kea bout him.

Hosea 6:2

Two days, an he goin make us come strong one mo time. Day numba three he goin bring us back, So den we goin stay alive in front him!

Jonah 1:17

Da One In Charge, he wen make ready one mangus fish fo swallow Jonah. An den Jonah stay inside da fish opu, three days an three nites.

Matthew 12:40

Jonah wen stay inside one big fish three day an three nite. Same ting, I Da Fo Real Kine Guy, an I goin stay unda da groun three day an three nite lidat.

Matthew 21:42

Den Jesus tell um, “You guys neva read dis inside da Bible, o wat? bout da stone dass jalike me: “Had one big stone, Da builda guys stay figga, ‘Poho! Dis stone no good!’ An dey throw um out. But dat stone, Dass da corna block Fo make da building strong. Da One In Charge wen do dis, aah? An dis awesome!”

Matthew 27:63

Dey tell, “Eh Govna, us guys no foget, wen dat fake guy still alive, he tell, ‘Afta three days I goin come back alive one mo time.’

Mark 12:10

Eh, you guys neva read inside da Bible bout da stone dass jalike me? Da Bible tell, “ ‘Had one big stone, Da builda guys tink, “Poho! Dis stone junk!” An dey no take um. But dat stone, Dass da corna block. Da one make da building strong.

Luke 17:25

But firs I gotta suffa plenny, an da peopo dat stay nowdays no goin take me in.

Luke 24:26

Dey tell dat da Spesho Guy God Goin Sen gotta suffa all dis kine stuff, an afta, he goin come real awesome, aah?”

Luke 24:44

He tell um, “All dis happen jalike I wen tell you guys wen I stay wit you. Eryting Moses wen write inside da Rules, an eryting da odda guys dat wen talk fo God wen write down, an eryting dat get inside da Songs Fo God—all da stuff dat stay from befo time inside da Bible, all dat, talk bout me! An eryting dey wen write, goin happen!”

John 12:48

Whoeva tell, ‘Laytas wit you!’ an no lissen wat I tell, God goin judge dem. In da end time wen da world goin come pau, if dey no lissen da true stuff I tell, da judge goin punish dem.

John 2:19

Jesus tell, “Bus up dis Temple, an in three day I goin make one new Temple.”

Jesus Guys 7:35

Den Stephen tell dem, “Moses, he da guy dat da Israel peopo wen throw out. Dey tell, ‘Eh, who make you da leada guy an judge ova us guys?’ But Moses, he da one God wen sen fo come dea leada. He da one dat free um up from da bad kine stuff dey stay in cuz dey slaves. Moses da one dat see one angel messenja guy inside da bush dat burn but no burn up. Dat angel help him fo know dat he da one God wen pick.

1 Corint 15:4

Dey wen bury him. Den, day numba three, Christ wen come back alive, jalike da Bible tell from befo time.

1 Samuel 10:19

But now, you guys tell, no way you goin lissen me, yoa God. I da One dat wen get you guys outa trouble from all da bad kine stuff dat make you guys come bum out. You guys stay tell me, ‘Nah! Mo betta you put one king ova us guys!’ So now, line up in front Da One In Charge wit yoa families. Put yoa big an small kine ohanas togedda.”

1 Samuel 8:7

Da One In Charge tell um, “Lissen to da peopo! Lissen eryting da peopo stay tell you! You not da one dey tink az no good. Az me! I da one dey tink az no good fo be dea king!