Mark 8:22 - Hawaii Pidgin Bible

²² Jesus dem go Betsaida. Some peopo bring one blind guy, an beg Jesus fo touch him.

Mark 8:22 ပူးပေါင်းရင်းမြစ်များ

Matthew 11:21

He tell, “Wassamatta you guys?! You guys from Korazin town, an you guys from Betsaida town! I neva show my powa to da Tyre an Sidon guys da way I wen show um to you guys. Az why dem Tyre an Sidon guys neva come sorry fo da bad kine stuff dey wen do, an no even come shame fo all dat. If dey wen see my powa da way you guys wen see um, dey put on burmbag clotheses an throw ash on top dea head fo erybody know dey sorry real quick, but dey neva do dat. But you guys wen see my powa fo real kine, an you still yet no stay sorry!

Matthew 14:36

Dey beg him fo let da sick guys touch his clotheses. All da guys dat touch his clotheses come good.

Matthew 8:15

An wen Jesus touch her hand, her feva pau. She get up an she bring food fo Jesus dem.

Matthew 8:3

Jesus wen stick out his hand an touch him, an tell, “Okay, I do um. Come good.” Right den an dea da lepa guy come good.

Matthew 9:29

Den he touch dea eyes an tell, “Da way you guys trus me, dass how goin be.”

Mark 2:3

Some guys come by Jesus. Four a dem carry one guy dat no can move.

Mark 3:10

Jesus make plenny sick peopo come good. Dass why all da odda sick peopo dea, dey go all out fo touch him.

Mark 6:45

Right den an dea Jesus tell his guys fo go inside da boat, an go Betsaida town befo he go dea. He sen all da peopo home. Wen all da peopo go way, he go up da mountain fo pray.

Luke 10:13

Jesus tell, “Bummahs, you guys from Korazin town! You goin get it, cuz you neva lissen! Bummahs you guys from Betsaida town! You goin get it too, cuz you neva lissen! Eh, I neva show da powa God get fo da Tyre an Sidon guys da way I wen show um fo you guys. Dass why dem Tyre an Sidon guys neva come sorry from long time an dey still stay do bad kine stuff. Dey neva show dey come shame fo all da bad kine stuff dey wen do, an no do um no moa. Dey neva see da powa God get da way you Korazin an Betsaida guys see um. Dass why da Tyre an Sidon peopo neva put on burmbag cloth an throw ash on top dea head, fo erybody know dey sorry. But you guys wen see da powa God get, an you still yet not sorry!

Luke 9:10

Da guys Jesus wen sen all ova da place come back, an dey tell Jesus wat dey wen do. Den he bring dem wit him an dey go way ony dem to Betsaida town.

John 1:44

Philip, he from Betsaida town, da same place Andrew an Peter live.

John 12:21

Dey come by Philip, da guy dat come from Betsaida town Galilee side, an dey tell him, “Eh Mista, us guys, we like meet Jesus.”